إعدادات العرض
Ad maam bũmb ning mam sẽn yεεsd yãmb zugu, ad yaa b sẽn na n wa pak n kõ yãmb dũni tɩ-puugu la a faas teedã
Ad maam bũmb ning mam sẽn yεεsd yãmb zugu, ad yaa b sẽn na n wa pak n kõ yãmb dũni tɩ-puugu la a faas teedã
Yii a Abɩɩ Saʿɩɩd Al-ẖʋdriy nengẽ (Wẽnd yard be a yĩnga): Tɩ Nabiyaamã (Wẽnd pʋʋsg la A tɩlgr be a yĩngɑ) a zĩnda raar a yembr mimbarã zugu, tɩ tõnd zĩnd a kɩrengã t'a yeele:«Ad maam bũmb ning mam sẽn yεεsd yãmb zugu, ad yaa b sẽn na n wa pak n kõ yãmb dũni tɩ-puugu la a faas teedã». La raoa yeel yã: rẽ yĩnga sõma wata ne wẽng laa? Tɩ Nabiyaamã (Wẽnd pʋʋsg la A tɩlgr be a yĩngɑ) sĩndi: tɩ b yeel raoã: yaa bõe n tar foom, tɩ fo gom ne Nabiyaaamã (Wẽnd pʋʋsg la A tɩlgr be a yĩngɑ) t'a ka gom ne foom? La tõnd mikame tɩ wahɩ n sigd a zugu, t'a yeele: t'a yẽesd tʋʋlgã a rĩirẽ wã, n yeele, «soakdã bεε?» Tɩ yaa wala a pẽg-a lame, n yeele «Ad sõma ka wat ne wẽng ye, la f bãng tɩ ad sig-noy sẽn bulsdã sẽn yaa yamdã ad a kʋʋdame maa a bẽedẽ, sã n ka rũng sẽn wãbd yam-maasã, sẽn wabdã halɩ t'a lʋg a yiibã sã n wa tẽese la a sẽn togend wĩndgã, n sã la a rʋʋde la a lebg n bʋk a yamdo n lebg n wãbe, n rʋʋde, n lebg n wãbe, la ad arzεk-kãngã a bʋgsame n yaa noogo, la ad lidg soab sõmblem sẽn yɩɩd, yaa b sẽn yãk n kõ miskiina la nimbãan soaba la kɩɩba la kẽnkẽndba, la ned ning sẽn reega arzεkã tɩ ka tũ ne hakε, yaa wala ned sẽn rɩt la a ka tɩdg ye, la a na n leb n yɩɩ kaset yẽ zug dũni yikr raarã».
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी ئۇيغۇرچە Hausa Kurdî Kiswahili Português සිංහල Nederlands Tiếng Việt অসমীয়া ગુજરાતી پښتو ไทย മലയാളം नेपाली Magyar ქართული తెలుగు Македонски Svenskaالشرح
Nabiyaamã (Wẽnd pʋʋsg la A tɩlgr be a yĩngɑ) zĩnda raar a yembre a mimbarẽ wã, n yẽsd ne a sahaabsã, n yeele: Ad mam sẽn tʋg n yεεsd yãmb zug n yɩɩd mam loogr poorẽ, yaa b sẽn na n wa pak n kõ yãmb, tẽngã albark-rãmba, dũni wã tɩ-puudu la faas teed la rasãnde, la sẽn be dũni wã sẽn yaa neemã kõbg toor-toore la futu la koodo la zẽng sẽn ka rẽ, nebã sẽn pugd taab ne b neeremã n lagem ne a paabã sẽn yaa bilfã. La rao yeel yã: ad dũni wã tɩ-puud yaa neemã sẽn yi Wẽnd nengẽ, rẽ yĩnga neemã-kãngã a tõeeme n lebg n yaa namsg la nang bɩɩ?! Tɩ nebã sãbs soakdã ne b sẽn yã Nabiyaamã (Wẽnd pʋʋsg la A tɩlgr be a yĩngɑ) t'a sĩndã, n tẽed tɩ sokrã yika a sũurã. La b yãame tɩ Nabiyaamã (Wẽnd pʋʋsg la A tɩlgr be a yĩngɑ) yaa wahɩ wã n rag n sigd a zugu, rẽ poorẽ tɩ Nabiyaaamã saagd tʋʋlgã a rĩirẽ wã n yeele: soakdã bεε? T'a yeele: yaa maam. T'a pẽg Wẽnd la a soees-A, rẽ poorẽ tɩ Nabiyaamã (Wẽnd pʋʋsg la A tɩlgr be a yĩngɑ) yeele: sõma hakɩɩka a ka wat ne rẽnda sõma, la tɩ-pu-kãngã a ka sõma zãng ye, ne a sẽn yɩt sabab n wat ne fɩtna la põs-taaba la maan-soagla n bas toglg laahrã zãnga, rẽ poorẽ t'a rɩk bilgr ne rẽnda n yeel tɩ bõn-buldɩ wã la bõn-maasã, bãmb me yaa mood sẽn noom rũmsã, a tõe n yɩɩ sabab n kʋ, tɩ b sã n wãb-b wʋsg tɩ sẽeg-ba, maa a tõeeme n ka n kʋ, a sẽn na n nams-b keelem, sã n ka sẽn wãbd-b yam-maasa, n wãbe halɩ t'a lʋg a yiibã sã n wa pidi, n pees n wood sõorã la a sã maa a rʋʋde, rẽ poorẽ t'a bʋk sẽn be a noorẽ wã n wãb n vele, rẽ poorẽ, n lebg n tɩ wãbe. Rẽnd arzεk-kãngã yaa wala moodã sẽn yaa kẽegã n yaa noogã, a kʋʋdame maa mamsdame n na n kʋʋme tɩ f sã n wãb-a wʋsgo, sã n ka mikame tɩ fo seka f meng ne bilfu a pʋgẽ, tʋlsem bũmb ning pʋgẽ wã, tɩ sẽn na maneg f yellã, sẽn tũ ne halaal sorã, yẽ soabã a ka namsd ye, la lɩslaam tũud-n-ta-sõng sẽn yɩɩd neer yaa arzεk-kãngã, ne ned ning sẽn yãk n kõ nimbãan-neda la kɩɩba la kẽn-kẽnda, la ned ning sẽn rɩk-a ne a hakε wã b maand-a-la barka, la ned ning sẽn wa n rɩk-a tɩ ka tũ ne hakε wã, yẽ soab bilgr yaa wala ned ning sẽn rɩt la a ka tɩgda, a na n leb n yɩɩ kaset yẽ zug dũni yikr raarã.فوائد الحديث
Limaam An-Nawwawiy yeelame: bee hadiisã pʋgẽ bũmb sẽn wilgd arzεkã yɩɩdlem ne ned ning sẽn rɩk-a hakε wã la a leb n kẽes-a manegr nemse.
Kibare sẽn yi Nabiyaamã nengẽ (Wẽnd pʋʋsg la A tɩlgr be a yĩngɑ) n wilg a zamã wã halhaalã, la b sẽn na n pak n kõ bãmb sẽn yaa dũni faas teedã la a zarb-n-gesgã.
Sẽn be Nabiyaamã (Wẽnd pʋʋsg la A tɩlgr be a yĩngɑ) kãngdrã pʋgẽ yaa bilgr rɩkre sẽn na paam n pẽneg maanã wã ne fasengo.
Yaa pirsg ne sara maanego la kẽes arzεkã manegr nemsẽ la bugs n yi arzεkã gãdbã n ka yiisd-a wã.
D yiisda a koεεga a sẽn yeelã: "ad sõma ka wat ne wẽngã" tɩ ad rɩtla baa a yɩ wʋsgo, a bee sõmã wã pʋgẽ, la wẽngã yaa sẽn mi n kẽ tɩ yaa maan beedo n ka kõ ned ning sẽn sõmb ne arzεkã n wat ne sabab-kãngã, n leb paas fo sẽn na n fãe-a zĩig ning sãri wã sẽn ka kõ sore, la bũmb fãa Wẽnd sẽn bʋ t'a yaa sõma a ka yɩt wẽng ye, la yaa woto bal la a tʋlla, la yεεsg be ne ned ning b sẽn lok-a arzεkã, tɩ wẽng wa paam yẽ n yi a na-kẽndrã pʋgẽ sẽn na n rɩk ne arzεkã.
Wilgdame tɩ b sõmb n ka yãg ne leokre, tɩ sã n mikame tɩ masaallã rata maag-n-menga.
At-Tiiby yeelame: b yiisda hadiisã pʋgẽ kõbg a naase, rẽnd ned ning sẽn rɩ-a tɩ yaa wʋm noog la a baooda n maan tɩ looge, halɩ t'a sĩ wã wa wuki n ka basdẽ, ad halkrã yãgdame n tʋgd yãwã soabã nengẽ, la ned ning me sẽn rɩ-a woto la yẽnda bao yam n na n tus bãagã n yi a menga a sẽn kẽ-a poorẽ tɩ yẽnda wil-a n yiis-a, la woto bala ned ning sẽn na n rɩ-a la a yãg n yiis bũmb ning sẽn na n nams-a wã halɩ n tʋg n wurg-a fãa gilli n paam tɩlgr n yi a wẽngã, la ned ning sẽn na n rɩ-a, a ka rɩ tɩ looge, a ka seeg n rɩ, la a kell n teka bũmb ning sẽn na n yiis a komã bala, yẽd a võorã. Rẽenem soabã bilgri yaa wala kɩfre, yiib soabã bilgr yaa yam yaal-yaal soabã ne a bas Wẽnd kɩɩsgo la tuubgu sã n ka a sẽn wat n põsg poorẽ, tãab sobã bilgri yaa wala tʋʋm tuuti soab sẽn yãgd n kẽngd tuubgẽ wã, halɩ tɩ tuubg wa tʋg n reege, naas soabã yaa dũni yĩgs sẽn maand tʋlsem la yamleoog ne yaoolem raarã.
A ɭbn Al-muniir yeelame: Hadiis-kãngã pʋga nems n be beenẽ, sẽn yaa wõnes sõng la bilg sõng rɩkre,rẽenem: yaa arzεka la a fɩɩgrã wõnes ne bõn-bundi, yiib soabã: yaa a sẽn wõnes rɩ-beed soabã baoobã la sabab-rãmbã rɩkr wεεngẽ ne rũng seeg yamdã n wãbdẽ wã, yaa a sẽn wõnes ned ning sẽn wʋsgdẽ la a bĩngdẽ, ne ned ning sẽn rɩta rɩ-beed la sẽn rɩta n pids a pʋga, naas soabã: yaa a sẽn wõnes bũmb ning sẽn yit arzεkẽ n lagem ne a yaa toogo nebã nengẽ, halɩ t'a wa tʋg n yɩ sababo n tall ned t'a wa tʋg n maan n zʋʋg beed pʋgẽ, a wõnesa yẽ ne bũmb ning rũngã sẽn sãadã, sẽn yaa bĩndã, rẽnd yẽ yaa teesg n be beenẽ n wilgdẽ t'a yaa rẽgd sãri wã pʋgẽ, nu saobã: yaa sẽn wõneg ned ning sẽn zĩ n ka tigimdã ne rũnga t'a sã n wa bas-a n na n vʋʋse, n gãe a kɩrengã n tees wĩntoogã n woot sõorã, bala rẽnda la rũmsã halhaal-rãmb sẽn tʋg n yɩɩd yẽgnego, teesg n leb n be beenẽ n wilgdẽ t'a paama a sẽn tuut to-to ningã, yoob soabã: yaa sẽn wõnes bũmb ning sẽn tigimi n kʋmb zãnga ne rũng kũum, rũng ning sẽn yaa yam yaal-yaal soaba n ka mi bũmb ninga a sẽn da maand-a wã, yopoe soabã: yaa arzεkã sẽn wõnes ne tũud-n-ta ning fo sẽn ka põs sɩda t'a na n wa lebga fo bε wã, bala arzεka a yellã yaa b bĩng-a la b sẽg-a sõma b sẽn nong-a keelem, la woto tõe n yɩ sabab t'a gɩdg arzεkã n ka kõ-a ned ning sẽn sõmba ne kũuni, tɩ rẽnda yɩ sababo n namsd ned ning sẽn bĩng-a wã, nii soabã: a sẽn wõnes ned ning sẽn na n reeg-a tɩ ka tũ ne hakε wã ne ned ning sẽn rɩta la a ka tɩgdã.
A As-Sindy yeelame: yaa tɩlae tɩ yεl a yiib zĩnd kibarã pʋga, b yiibã yembre (Rẽenemã) : yaa a paam-a ne a sorã. Yiib soabã: yaa a kẽes-a b sẽn sõmb n kẽes-a. La b yiibã yembr sã n ka zĩndi, a lebgda namsg n kõ a soabã... la b tõe n yeelame tɩ teesg n be beenẽ, tɩ b yiibã taba ne taaba, rẽnd ninsaal ka tõe n paam segl sõngo, n kẽes-a zĩig ningã a sẽn tõe n kẽes-a, sã n ka a bao-a lame ne a soyã.
التصنيفات
Condemning Love of the World