إعدادات العرض
rẽ yĩnga yãmb mii y Soabã sẽn yeele?” Tɩ b yeele: Wẽnd la A Tẽn-tʋʋmã n mi. T’a yeele: ad Mam yembsã pʋgẽ, vẽega beoog tɩ neb be beenẽ n kõ sɩd ne Maam, la kɩfl ne Maam
rẽ yĩnga yãmb mii y Soabã sẽn yeele?” Tɩ b yeele: Wẽnd la A Tẽn-tʋʋmã n mi. T’a yeele: ad Mam yembsã pʋgẽ, vẽega beoog tɩ neb be beenẽ n kõ sɩd ne Maam, la kɩfl ne Maam
Yii a Zayd ɭbn Haalid ɭbn Algʋhany nengẽ, Wẽnd yard be a yĩnga, a yeelame: Wẽnd Tẽn-tʋʋma, Wẽnd pʋʋsg la A tɩlgr be a yĩnga, pʋʋsa ne bãmba, Fagr yibeoog Pʋʋsgã Hʋdaybiya zĩigẽ wã, la yaa saag sẽn ni yʋngã poorẽ, la Nabiyaamã sẽn wa n sε Pʋʋsgã, a lebg n togla nebã n yeele: “ rẽ yĩnga yãmb mii y Soabã sẽn yeele?” Tɩ b yeele: Wẽnd la A Tẽn-tʋʋmã n mi. T’a yeele: ad Mam yembsã pʋgẽ, vẽega beoog tɩ neb be beenẽ n kõ sɩd ne Maam, la kɩfl ne Maam, la sã n yaa neb nins sẽn yeel-b tɩ tõnd paama saag niib ne Wẽnd kũunã, la A yolsgã, bãmb yaa sẽn kõ sɩd ne Maam, n kɩfl ne ãdsã, la neb nins sẽn yeel tɩ: yaa ãd-kãngã la ãd-kãngã sababo la tõnd paam saagã, bãmb kɩfla ne Maam n kõ sɩd ne ãdse”.
الترجمة
العربية English မြန်မာ Svenska Čeština ગુજરાતી አማርኛ Yorùbá Nederlands اردو Español Bahasa Indonesia ئۇيغۇرچە বাংলা Türkçe Bosanski සිංහල हिन्दी Tiếng Việt Kurdî Hausa മലയാളം తెలుగు Kiswahili ไทย پښتو অসমীয়া Shqip دری Ελληνικά Български Fulfulde Italiano ಕನ್ನಡ Кыргызча Lietuvių Malagasy or Română Kinyarwanda Српски тоҷикӣ O‘zbek नेपाली Oromoo Wolof Soomaali Tagalog Français Azərbaycan Українська bm தமிழ் Deutsch ქართული Português Македонски Magyar فارسی Русский 中文الشرح
Hadiisã wilgdame tɩ Nabiyaamã, Wẽnd pʋʋsg la A tɩlgr be a yĩnga, pʋʋsa yibeoog Pʋʋsgã, Hudaybiyat zamaanã, yẽ me yaa tẽnga sẽn pẽ Maka, la yaa saag sẽn ni yʋng poorẽ, T’a sẽn wa ning sallemã n sε a Pʋʋsgã, la a sẽn togl nebã ne a nengã, n sok-ba: “rẽ yĩnga yãmb mii bũmb ning yãmb Soabã, A Naam yɩ wagell n zẽk sẽn yeel-a? Tɩ b leok-a : ad Wẽnd la A Tẽn-tʋʋmã n yɩɩd minim, T’a yeele : ad Wẽnde, A Naam yɩ wagell n zẽke, a vẽnegame tɩ nebã, b pʋɩta kõbg a yiibu, saag sẽn wat n ni, kõbg n be n kõ sɩd ne Wẽnde, A Naam yɩ wagelle, tɩ kõbg be beenẽ, n kɩfl ne Wẽnde, A Naam yɩ wagelle ; La sã n yaa neb nins sẽn yeel tɩ saagã nii ne Wẽnd yɩɩdlem la A yolsgã, n rɩk saagã niibã n kõ Naaba A Wẽnde, yẽ yaa ned sẽn kõ sɩd ne Wẽnde, sẽn yaa Naamdã, n yaa Kẽnesdã, bon-naandsã pʋgẽ wã, ne A sẽn rata, la a kɩfl ne ãdsã. La sã n yaa neb nins sẽn yeel-b : « tõnd paama saaga, ãd-kãngã sababo », yẽ yaa sẽn kɩfl ne Wẽnde, n kõ sɩd ne ãdga, la yẽ yaa kɩflg sẽn yaa kɩflg bila, n ka yiisd ned lɩslaangẽ ye, bala a rɩka saagã niibã n yeel tɩ yaa ãd-kãngã sababo, la Wẽnd ka maan tɩ ãdsã yaa sabab sãri wεεngẽ, ne saag niib ye, A leb n ka maan-ba tɩ b yaa sababo, kordg wεεngẽ ye, La sã n yaa ne neb nins sẽn rɩk saagã niibã, la zẽng sẽn ka rẽnda, sẽn yaa yεl nins sẽn maand tẽngã zugã, n rɩk-ba n tõkd ne ãdsã kẽnã, b pukri la b lʋɩɩse, n loe n wãage, tɩ yaa ãdsã mens n maan tʋʋmdã sɩd-sɩda, woto yaa kɩflg bedre, n yiisd ned lɩslaangã pʋgẽ.فوائد الحديث
Bee hadiisã pʋgẽ, sẽn wilgd tɩ b bʋʋ nonglem tɩ saag sã n ni, bɩ b yeele :«ad tõnd paama saaga, ne Wẽnd yɩɩdlemã la A yolsgã ».
Ned ning sẽn wa n rɩk saaga niib neemã wã, la zẽng sẽn ka yɩ ne rẽnda, sẽn yaa neemã-rãmbã n tʋg n kõ ãdgã tɩ : « yaa yẽ n wa ne-a, yẽ n maan-a » yẽ soaba yaa kɩfre, kɩflg sẽn yaa kɩfl kãsẽnga, la a sã n tʋg n yaglg ne ãdga t’a yaa sababo, yẽ soaba yaa kɩfre kɩflg sẽn yaa bilfu, n ka yiisd-a lɩslaangã pʋgẽ ye, la rẽnda yaa sẽn mik tɩ Wẽnd ka maan-a t’a yaa sabab sãri pʋga, A ka maan-a t’a yaa sabab gesg pʋgẽ me.
Bee hadiisã pʋgẽ, sẽn wilgd tɩ neemã wã, a yɩta sababo ne kɩfɩndo tɩ ninsaal sã n maan-a sõm zɩɩlem, n leb n yɩt sababo ne lɩɩmaango, tɩ ninsaal sã n pʋʋs-a barka.
Hadiisã gɩdgdame tɩ b ra yeele: tõnd paama saaga ne ãd-kãngã sabab la ãd-kãngã sababo » baa t’a sã n toglame tɩ yaa wakatã la a sẽn ratã, rẽ yaa sẽn na yɩl n da wa tʋg n kẽes-a lagem-n-taar pʋgẽ ye.
Hadiisã wilgdame tɩ yaa tɩlae tɩ Adam Biig rɩk a sũurã n yaglg ne Wẽnde, A Naam zẽkame, sã n yaa neema baoob pʋgẽ la yel-wẽns tusb pʋgẽ.