إعدادات العرض
अल्लाहको हदको पालना गर्ने र त्यसलाई उल्लङ्घन गर्नेहरुको उदाहरण - डुङ्गामा आफ्नो स्थान निर्धारण गर्न चिट्ठा…
अल्लाहको हदको पालना गर्ने र त्यसलाई उल्लङ्घन गर्नेहरुको उदाहरण - डुङ्गामा आफ्नो स्थान निर्धारण गर्न चिट्ठा हाल्नेहरु जस्तै हो, जसमा केही मानिसहरु डुङ्गाको माथिल्लो भागमा स्थान पाए र केहीले तल्लो भागमा
नोअ्मान बिन बशीर (रजियल्लाहु अन्हु) ले बयान गरेका छन्, रसूल (सल्लल्लाहु अलैहि वसल्लम) ले भन्नुभएको छ : "अल्लाहको हदको पालना गर्ने र त्यसलाई उल्लङ्घन गर्नेहरुको उदाहरण - डुङ्गामा आफ्नो स्थान निर्धारण गर्न चिट्ठा हाल्नेहरु जस्तै हो, जसमा केही मानिसहरु डुङ्गाको माथिल्लो भागमा स्थान पाए र केहीले तल्लो भागमा । तल्लो भागमा रहेकाहरूले पानी लिन माथिल्लो भाग भएर जानुपर्थ्यो, त्यसैले उनीहरूले सोचे - हामीले आफ्नै भागमा प्वाल किन नबनाउने? ताकि माथिकाहरूलाई कुनै समस्या नहोस् । अब माथिकाले तल्लो भागमा रहेकालाई सोचे अनुसार प्वाल गर्न दिए भने सबै नाश हुनेछन् र हात समाए (त्यसो गर्न दिएन) भने आफू लगायत सबै जोगिनेछन् ।"
الترجمة
العربية বাংলা Bosanski English Español فارسی Français Bahasa Indonesia Tagalog Türkçe اردو 中文 हिन्दी Hausa Kurdî Kiswahili Português සිංහල Русский Svenska Čeština ગુજરાતી Yorùbá ئۇيغۇرچە Tiếng Việt پښتو অসমীয়া دری Кыргызча or Kinyarwanda తెలుగు Lietuvių Română മലയാളം Nederlands Soomaali Српски Українська Deutsch ಕನ್ನಡ Wolof Moore Shqip ქართული Azərbaycan Magyar தமிழ் Македонски မြန်မာ አማርኛ Malagasy Oromooالشرح
नबी (सल्लल्लाहु अलैहि वसल्लम) ले अल्लाहले तोकेको सीमाभित्र बस्ने, उहाँको आदेशको पालना गर्ने, पुण्य कर्मको आदेश दिने र नराम्रा कुराहरूबाट रोक्ने मानिसहरूको बारेमा उत्कृष्ट उदाहरण प्रस्तुत गर्नुभएको छ । अल्लाहका सीमा उल्लङ्घन गर्नेहरू, पुण्य कर्मबाट टाढा रहने र नराम्रो काम गर्नेहरू र समाजमा पर्न गएको त्यसको असारको उदाहरण - जहाजमा सवार मानिसहरू जस्तै हो । डुङ्गाको माथिल्लो भागमा कसले चढ्ने र तल्लो भागमा कसले चढ्ने भनेर चिठ्ठा पारियो, कसैले माथिल्लो भाग पाए त कोहीले तल्लो भाग पाए । (पानी व्यवस्थापन माथिल्लो भागमा भएकोले) तल्लो भागमा भएकाले पानी लिन माथिल्लो भागमा गएर लिनुपर्ने । तल्लो भागका मानिसहरूले पानी तान्न तल्लो भागमा प्वाल पार्न सोचे, ताकि माथिल्लो भागका मानिसहरूलाई हामीले गर्दा दुख नहोस् । यदि माथिल्लो भागका मानिसहरूले तल्लो भागका मानिसहरूको हात समातेर प्वाल पार्नबाट रोकेन भने डुङ्गा डुब्नेछ र सबैको ज्यान जानेछ र तिनीहरू रोके भने, सबैको उद्धार हुनेछ ।فوائد الحديث
समाजको संरक्षण र मुक्तिका लागि पुण्य कर्मको आदेश र नराम्रोलाई निषेध गर्ने महत्त्व ।
तालिम दिने एउटा तरिका उदाहरण हो । यसले अर्थलाई ठोस चीजको रूप दिएर बुझ्न सजिलो पार्छ ।
मुन्कर (गल्त काम) देखेर त्यसको निन्दा नगर्नु यस्तो कुकर्म हो, जसले सिंगो समाजलाई हानि पुर्याउँछ ।
दुष्कर्म गर्नेहरूलाई गलत काम गर्न छुट दिनु भनेको समाजलाई विनाशतर्फ धकेल्ने हो ।
राम्रो नियतले गलत काम गर्दा त्यो काम कदापी सही हुँदैन ।
मुस्लिम समाज सुधारको जिम्मेवारी कुनै एक व्यक्तिको होइन, सबै जनताको हो ।
विशेष व्यक्तिको पापको सजाय आम जनताले पनि भोग्न सक्छ, यदि उनीहरूलाई पापबाट रोकिएन भने ।
नराम्रो काम गर्नेहरूले मुनाफिक (पाखण्डी) मानिसहरूले जस्तै आफ्नो गल्ती समाजको लागि राम्रो हो भनी बहाना बनाउँछन्।