إعدادات العرض
मूर्तिपूजकहरूसँग आफ्नो धन, ज्यान, र वाणीद्वारा जिहाद गर।
मूर्तिपूजकहरूसँग आफ्नो धन, ज्यान, र वाणीद्वारा जिहाद गर।
अनस (रजियल्लाहु अन्हु)ले बयान गरेका छन्, रसूल (सल्लल्लाहु अलैहि वसल्लम)ले भन्नुभएको छ : "मूर्तिपूजकहरूसँग आफ्नो धन, ज्यान, र वाणीद्वारा जिहाद गर।"
الشرح
नबी (सल्लल्लाहु अलैहि वसल्लम)ले काफिरहरूसँग (बहुदेववादी) जिहाद गर्ने र उनीहरूको सामना गर्न आफ्नो क्षमताअनुसार सबै साधन प्रयोग गर्न आदेश दिनुभएको छ, ताकि अल्लाहको वचन सर्वोच्च रहोस्। यसमा समावेश छन्: पहिलो: काफिरहरूसँग जिहादमा धन खर्च गर्नु, जस्तै: हतियार किन्नु, मुजाहिद (जिहादमा भाग लिने व्यक्तिहरू) का लागि खर्चको व्यवस्था गर्नु, र यस्तै अन्य आवश्यकताहरूमा सहयोग प्रदान गर्नु। दोश्रो: काफिरहरूसँग युद्ध र तिनीहरूको सामना गर्न आत्मा र शारीरिक रूपमा उपस्थित हुनु। तेस्रो: वाणीद्वारा उनीहरूलाई इस्लामको तर्फ आमन्त्रित गर्नु, तर्क प्रस्तुत गरी तिनीहरूमाथि सत्यको प्रमाण स्थापित गर्नु, उनीहरूको गलत सोचलाई खण्डन गर्नु, र तिनीहरूलाई गलतबाट रोक्न प्रयास गर्नु।فوائد الحديث
मानिसहरूलाई आफ्ना क्षमताअनुसार ज्यान, धन, र वाणीद्वारा (बहुदेववादि) काफिरहरूसँग युद्ध गर्न प्रेरित गरिएको छ। जिहाद केवल शारीरिक लडाइँमा सीमित छैन।
जिहादको आदेश अनिवार्य (वाजिब) हो। यसको अनिवार्यता दुई प्रकारको हुन सक्छ: व्यक्तिगत अनिवार्यता (वाजिब 'ऐनी), सामूहिक अनिवार्यता (वाजिब किफायी)।
अल्लाहले जिहादलाई निम्न कारणहरूको लागि वैधानिक बनाउनु भएको छ: पहिलो: शिर्क र बहुदेववादिहरूसँग प्रतिरोध गर्नु, किनभने अल्लाहले शिर्कलाई कहिल्यै स्वीकार गर्नुहुन्न। दोस्रो: अवरोधहरू हटाउनु,जसले अल्लाहको मार्गतर्फको आमन्त्रण (दावत) को बाटोमा रोकावट पैदा गर्छ। तेस्रो: आस्था (अकीदा) को रक्षा गर्नु, यस्तो हरेक कुरा विरुद्ध, जुन इस्लामको सिद्धान्त र विश्वासको विरोधमा छ। चौथो: मुसलमानहरूको रक्षा गर्नु, उनीहरूको देश, इज्जत, सम्पत्ति, र जीवनको सुरक्षाका लागि।
التصنيفات
जिहादको हुकुम