إعدادات العرض
Adunyaa kana irratti akka keessummaa ykn nama karaa dabruu ta’i
Adunyaa kana irratti akka keessummaa ykn nama karaa dabruu ta’i
Abdullaah bin Umar irraa odeeffamee Rabbiin isaan lamaan irraa haa jaallatu akkana jedhe: Ergamaan Rabbii -nagaa fi rahmanni irra haa jiraatu- ceekuu koo na qabanii akkana jedhan: «Adunyaa kana irratti akka keessummaa ykn nama karaa dabruu ta’i», Ibnu Umar akkana jedha ture: Yeroo galgaleeffatte ganama hin eegin, yoo ganameeffatte immoo galgala hin eegin, Osoo hin dhukkubsatin fayyaa keetti fayyadami, osoo duuti sitti hin dhufin jiruu keetti fayyadami.
الترجمة
العربية বাংলা Bosanski English Español Français Bahasa Indonesia Русский Tagalog Türkçe اردو 中文 हिन्दी Hausa Kurdî Português සිංහල Nederlands অসমীয়া Tiếng Việt ગુજરાતી پښتو አማርኛ ไทย Românăالشرح
Ibnu Umar, Rabbiin isaan irraa haa jaallatu, Nabiyyiin -nagaa fi rahmatni irra haa jiraatu- ceekuu isaa akka qabatanii, akkana isaan jedhan hime: Addunyaa kana keessatti akka keessummaa biyya manni itti jiraatu isa keessatti isaaf hin jirre dhufee namni isa keessummeessu hin jirre, kan ofii isaatif maatii, ijoolle fi wantoota biroo kan Rabbi irraa isa fageessan hunda irraa bilisa ta'ee ta'i, inumaatuu akka nama keessummaa irra hamaa ta'i, innis nama karaa darbu kan biyya isaa barbaaduudhd; sababni isaas keessummaan biyya ormaa keessa taa'un akka nama biyyaa ta'uu mala waan ta'eef jecha, sun faallaa nama biyya isaa barbaada karaa darbuuti, isa haalli isaa ofirraa ba'aa salphisee, dhaabbachuun maletti biyya isaa gayuuf bololuudha. Akkuma namni imala deemu waan bakka imala isaatin isa gayu caalaa waan biroo hin barbaanne namni Mu'uminaas addunyaa keessatti waan bakka imala isaa isa geessu caalaa waan guddaa hin barbaadu. Ibnu Umar gorsa kana hordofuun akkana jedha ture: Yoo siif bari'e galgala hin eegin, yoo dhihe immoo ganama hin eegin, namoota qabrii keessa jiranitti of lakkaa’i, jireenyi ilma namaa fayyaa fi dhibee irraa bilisa waan hin taaneef jecha. Yeroo fayyaa qabdu osoo hin dhibamin Rabbiif ajajamutti ariifachiisi, dalagaa gaarii dalaguun osoo dhibeen sitti hin dhufin saamadhu, jiruu dunyaa keetis osoo hin du'aan addunyaa kana irraa hin dabrin waan si fayyadurratti dabarsi,فوائد الحديث
Barsiisaan yeroo barsiisu jajjabeessuu fi akeekkachiisuuf harka isaa cheekuu barataa irra kaa’uudha.
Osoo hin gaafatinis ta'u, gorsaa fi qajeelfamaan jalqabuudha
Barsiisni Nabiyyii -nagaa fi rahmanni irra haa jiraatu- bareedaa ta'uudha, sunis “Addunyaa kana irratti akka keessummaa ykn nama karaa deemu ta’i” jechuudhaan fakkeenyota amansiisaa ta'an kennuudhaan.
Namoonni imala gara aakiraatti godhan irratti garaagarummaa qabaachuudha, karaa darbaan addunyatti haajamuu dhabuu keessatti sadarkaa keessummaati oliidha.
Abdii gabaabachuu fi du’aaf qophaa’uu ibsuudha.
Hadiisni kun jireenya dhiisuu fi gammachuu addunyaa dhoorguu hin argisiisu; Garuu inni addunyaa irraa dantaa dhabuu fi ishee irraa xiqqeeffachuu jajjabeessuu agarsiisa.
Dhukkubni ykn duutis osoo nama hin dhoorgine hojii gaarii hojjechuutti ariifachuudha.
Sadarkaa Abdullaah bin Umar -Rabbiin isaan lamaan irraa haa jaallatu- qabuudha, sababnis gorsa Ergamaa Rabbii irraa -nagaa fi rahmanni irra haa jiraatu- dhufe kanaan fayyadamuu isaati.
Biyyi Mu'umintoota Jannata waan ta’eef isaan addunyaa tanaaf keessumaadha, Gara Aakiraatti imaloodha, qalbii isaanii waan tokko kan biyya ormatti hin rarraasan, inumaayyuu qalbiin isaanii biyya isaanii kan gara isatti deebiʼaniif hawwa, Addunyaa kanarra turuun isaanii haajaa isaanii baafatanii qophii isaanii xumuranii gara biyya isaanitti akka deebi'aniif jecha.
التصنيفات
lubbuu qulqulleessuu