الشرح

ਨਬੀ ﷺ ਦੱਸਦੇ ਹਨ ਕਿ ਜਿਸਨੇ ਵੁਜ਼ੂ ਕੀਤਾ ਅਤੇ ਉਸ ਦੇ ਰੁਕਨਾਂ (ਥੰਮ੍ਹਾਂ), ਸੁੰਨਤਾਂ ਅਤੇ ਅਦਾਬਾਂ (ਸਲੀਕਿਆਂ) ਦਾ ਪਾਲਣ ਕਰਦੇ ਹੋਏ ਚੰਗੀ ਤਰ੍ਹਾਂ ਵੁਜ਼ੂ ਕੀਤਾ, ਫੇਰ ਜੁਮੇ ਦੀ ਨਮਾਜ਼ ਲਈ ਹਾਜ਼ਰ ਹੋਇਆ, ਖਮੋਸ਼ੀ ਨਾਲ ਤੇ ਕੰਨ ਲਗਾ ਕੇ ਖ਼ਤੀਬ (ਖ਼ੁਤਬਾ ਦੇਣ ਵਾਲੇ) ਦੀਆਂ ਗੱਲਾਂ ਸੁਣੀਆਂ— ਤਾਂ ਅੱਲਾਹ ਉਸ ਦੇ ਦਸ ਦਿਨਾਂ ਦੇ ਛੋਟੇ ਗੁਨਾਹ ਮਾਫ਼ ਕਰ ਦਿੰਦਾ ਹੈ। ਭਾਵ ਇੱਕ ਜੁਮੇ ਦੀ ਨਮਾਜ਼ ਤੋਂ ਦੂਜੇ ਜੁਮੇ ਦੀ ਨਮਾਜ਼ ਤੱਕ ਅਤੇ ਵਾਧੂ ਦੇ ਤਿੰਨ ਦਿਨਾਂ ਦੇ ਗੁਨਾਹ। ਕਿਉਂਕਿ ਅੱਲਾਹ ਕੋਲ ਇੱਕ ਨੇਕੀ ਨੂੰ ਵਧਾ ਕੇ ਦਸ ਬਣਾ ਦਿੱਤਾ ਜਾਂਦਾ ਹੈ। ਇਸਤੋਂ ਬਾਅਦ ਅੱਲਾਹ ਦੇ ਰਸੂਲ ﷺ ਨੇ ਖ਼ੁਤਬੇ ਦੇ ਦੌਰਾਨ ਕਹੀ ਜਾਣ ਵਾਲੀਆਂ ਗੱਲਾਂ ਨੂੰ ਪੂਰੇ ਧਿਆਨ ਨਾਲ ਨਾ ਸੁਣਨ ਅਤੇ ਸ਼ਰੀਰ ਦੇ ਅੰਗਾਂ ਨੂੰ ਬੇਕਾਰ ਦੇ ਕੰਮਾਂ ਜਿਵੇਂ: ਰੋੜੀਆਂ ਛੇੜਨ ਆਦਿ ਵਿੱਚ ਰੁਝਾ ਕੇ ਰੱਖਣ ਤੋਂ ਖ਼ਬਰਦਾਰ ਕੀਤਾ ਹੈ ਅਤੇ ਫਰਮਾਇਆ ਹੈ ਕਿ ਅਜਿਹੇ ਕੰਮ ਕਰਨ ਵਾਲਾ ਫਜ਼ੂਲ ਤੇ ਬੇਕਾਰ ਕੰਮ ਕਰਦਾ ਹੈ ਅਤੇ ਬੇਕਾਰ ਕੰਮ ਕਰਨ ਵਾਲੇ ਨੂੰ ਜੁਮੇ ਦੇ ਅਜਰੋ-ਸਵਾਬ (ਇਨਾਮ) ਤੋਂ ਵਾਂਝਾ ਕਰ ਦਿੱਤਾ ਜਾਂਦਾ ਹੈ।