موسوعة الأحاديث النبوية

إعدادات العرض

Ned ning sẽn yõka koom, n maneg a koomã yõgbo, rẽ poorẽ t'a wa arzũmã Pʋʋsgo, n kelge la a sĩndi, b yaafd-a lame bũmb ning sẽn be yẽ la arzũmã sʋka la b paas rasem a tãabo

  1. الرئيسية
  2. Moore
  3. Ned ning sẽn yõka koom, n maneg a koomã yõgbo, rẽ poorẽ t'a wa arzũmã Pʋʋsgo, n kelge la a sĩndi, b yaafd-a lame bũmb ning sẽn be yẽ la arzũmã sʋka la b paas rasem a tãabo

Ned ning sẽn yõka koom, n maneg a koomã yõgbo, rẽ poorẽ t'a wa arzũmã Pʋʋsgo, n kelge la a sĩndi, b yaafd-a lame bũmb ning sẽn be yẽ la arzũmã sʋka la b paas rasem a tãabo

Yii a Abɩɩ Hʋrayrat nengẽ (Wẽnd yard be a yĩnga) a yeelame: Wẽnd Tẽn-tʋʋma (Wẽnd pʋʋsg la A tɩlgr be a yĩnga) yeelame: «Ned ning sẽn yõka koom, n maneg a koomã yõgbo, rẽ poorẽ t'a wa arzũmã Pʋʋsgo, n kelge la a sĩndi, b yaafd-a lame bũmb ning sẽn be yẽ la arzũmã sʋka la b paas rasem a tãabo, la ned ning sẽn sɩɩsa kugã ad a reemame».

[Naṣʋn Ṣahɩɩhʋn (Gom-sikdem sẽn manege)] [A Muslim n togs-a]

حفظ

حفظ الحديث بصيغة PDF

الترجمة

العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी ئۇيغۇرچە Hausa Kurdî Português සිංහල አማርኛ অসমীয়া Kiswahili Tiếng Việt ગુજરાતી Nederlands پښتو नेपाली മലയാളം Svenska ไทย Кыргызча Română Malagasy ಕನ್ನಡ Српски తెలుగు ქართული

الشرح

Nabiyaamã (Wẽnd pʋʋsg la A tɩlgr be a yĩnga) a kõta kibare, tɩ ned ning sẽn yõka koom, n maneg a koomã yõgbo, n pids-a ne a zeng raadã la a wa ne a Sunn-rãmbã la a zʋgd-rãmbã, rẽ poorẽ t'a wa arzũmã Pʋʋsgo, n sĩnd n kelg hʋtbã soɑbɑ, n sĩnd n ka maan reem, b yaafd-a lame rasem piig zũnuub bãanego, sẽn yi arzũmã n tʋg n tãag arzũm a yiib soabã, la b paas rasem a tãabo, bala yel-sõmdã b fãaogd-a-la noor piiga, rẽ poorẽ tɩ Nabiyaamã (Wẽnd pʋʋsg la A tɩlgr be a yĩnga) bugs n yi sũurã teesg kaalem n tʋg b sẽn yet hʋtbã la waazʋ wã pʋgẽ, n leb n yi reem ne yĩn-wilã, wala kug sɩɩsg la zẽng sẽn pa rẽ, sẽn yaa reem la soagl buudu, tɩ ad ned ning sẽn maana woto a reemame, rẽnd a ka tar pʋɩɩr ne arzũmã keoor sẽn pid ye.

فوائد الحديث

Yaa pirsg tɩ b maan koomã yõgbo la b pids-a, la b gũus arzũmã Pʋʋsgo.

Wilgda arzũmã Pʋʋsg yɩɩdlem.

Wilgdame tɩ yaa tɩlae tɩ b kelg arzũmã hʋtba la b ra maan soagl n yi-a ye, ne goma la zẽng sẽn ka rẽnda.

Ned ning sẽn reema arzũmã hʋtb wakato, a arzũmã Pʋʋsg lebgda wala faril Pʋʋsg keoore, farilã Pʋʋsg ka leb n rog ne-a ye, la a yel-sõmdã boogdame.

التصنيفات

Merit of Jumu‘ah Prayer