الشرح

Peyğəmbər (Allahın salavatı və salamı onun üzərinə olsun) xəbər verir ki, kim dəstəmaz alar və onun ruknlarını tamamlayaraq, sünnət və ədəblərinə əməl etməklə gözəl şəkildə yerinə yetirərsə, sonra cümə namazını gedib, susaraq xütbə verəni dinləyərsə və boş söhbət etməzsə, bu cümə namazından ikinci cüməyə və üç gün də əlavə olaraq on günlük kiçik günahlarını Allah bağışlayar. Çünki yaxşı əməlin savabı on qat artırılar. Sonra o, (Allahın salavatı və salamı onun üzərinə olsun) xütbə zamanı bədən əzaları ilə daşlara toxunmaq və digər bu kimi boş işlərlə məşğul olub, xütbədə deyilən nəsihətlərə qəlbin yönəlməməsindən çəkindirir. Belə ki, kim bunu edərsə, artıq boş işlə məşğul olmuşdur və kim boş işlə məşğul olarsa, cümə namazının kamil savabından heç bir payı yoxdur.