إعدادات العرض
Uwo wese azokwadukana gishasha muri iri dini ryacu, kitari mu vyo twigishije, kizomugarukako(azogisubizwa, ntikizokwakirwa namba)
Uwo wese azokwadukana gishasha muri iri dini ryacu, kitari mu vyo twigishije, kizomugarukako(azogisubizwa, ntikizokwakirwa namba)
Mu vyakiriwe na Aisha (Imana Allah Imwishimire) yavuze ko Intumwa y'Imana (nyakugira amahoro n'impuhwe z'Imana Allah) yavuze iti: "Uwo wese azokwadukana gishasha muri iri dini ryacu, kitari mu vyo twigishije, kizomugarukako(azogisubizwa, ntikizokwakirwa namba)". Iyi nyigisho y'intumwa yashikirijwe na Al-Bukhaariy na Muslimu. Mu bwakirizi bwa Muslimu hakoreshejwe aya majambo: "Uwo wese azokora igikorwa kitari mu vyo twigishije, azogisubizwa, ntikizokwakirwa namba".
الترجمة
العربية বাংলা Bosanski English Español Français Bahasa Indonesia Русский Tagalog Türkçe اردو 中文 हिन्दी ئۇيغۇرچە Kurdî Hausa Português മലയാളം తెలుగు Kiswahili فارسی မြန်မာ Deutsch 日本語 پښتو Tiếng Việt অসমীয়া Shqip Svenska Čeština ગુજરાતી Yorùbá සිංහල தமிழ் دری Кыргызча or Kinyarwanda नेपाली Română Lietuvių Nederlands Soomaali Српски Українська ಕನ್ನಡ Wolof Moore ქართული Azərbaycan Magyar Македонски አማርኛ Malagasy Oromoo ไทย मराठी ਪੰਜਾਬੀ O‘zbek ភាសាខ្មែរ ms тоҷикӣالشرح
Umuvugishwamana (nyakugira amahoro n'impuhwe z'Imana Allah) aratomora ko uwadukanye bishasha mw'idini canke uwukoze igikorwa kitagira icemezo kicemeza kiri mu Gitabu canke mu nyigisho n'imigenzo vy'intumwa, kizosubizwa kuri nyeneco kitemewe n'Imana Allah.فوائد الحديث
Ibikorwa nyegerezamana vyubakiye ku vyaje bigatomorwa mu Gitabu no mu nyigisho n'imigenzo vy'intumwa, ntiturekuriwe rero kwiyegereza Imana Allah mu vyo dukora kiretse mu gihe twisunze ivyashinzwe n'amabwirizwa, atari ivyadukano bishasha mw'idini.
Idini ntirishingiye ku vyiyumviro canke ku vyo abantu bibaza ko ari vyiza, yamara rishingiye ku gukurikira Intumwa y'Imana (nyakugira amahoro n'impuhwe z'Imana Allah).
Iyi nyigisho y'intumwa, ni icemezo c'uko idini ryikwije kandi ritunganye.
Icadukano, ni kirya kintu cose congewe mw'idini kandi kitigeze kibaho igihe c'Umuvugishwamana (nyakugira amahoro n'impuhwe z'Imana Allah) n'igihe c'ingendanyi ziwe mu bijanye n'ukwemera, mu majambo canke mu bikorwa.
Iyi nyigisho y'intumwa, ni umushinge mu mishinge ubwislamu bwubakiyeko, ni nk'umunzane wo gupimirako ibikorwa, kurya rero igikorwa cose kidakozwe ku bw'Imana Allah, nyeneco atagihemberwa, ni ko nyene n'igikorwa cose gikozwe kitisunze ivyigishijwe n'Intumwa y'Imana (nyakugira amahoro n'impuhwe z'Imana Allah) gisubizwa nyeneco, nticemerwe.
Ivyadukano bishasha bibujijwe, ni birya bikorwa vyose bifitaniye isano n'idini, si birya bijanye n'ivy'isi.