فوائد الحديث

සර්ව බලධාරි උත්තරීතර අල්ලාහ්ට නින්ද යන ගුණාංගය තිබිය නොහැකි බව පැහැදිලි කිරීම. මන්ද එය ඌනතාවයක් වන අතර ඔහු එයින් නිදහස් ය.

සර්ව බලධාරී අල්ලාහ් තමා කැමති ඕනෑම කෙනෙකුව උසස් කරයි. තමා කැමති ඕනෑම කෙනෙකුව අවමානයට පත් කරයි. එමෙන්ම තමා කැමති ඕනෑම කෙනෙකුට මඟ පෙන්වයි, ඔහුගේ වහලුන් අතුරින් ඔහු කැමති ඕනෑම කෙනෙකුව නොමඟ යන්නට සළස්වයි.

ක්‍රියාවන් සෑම දිනකම සහ සෑම රාත්‍රියකම අල්ලාහ් වෙතට ඉදිරිපත් කරනු ලැබේ. තවද ගැත්තන් හට ඔවුන්ගේ රාත්‍රී හා දහවල් කාලවලදී සර්ව බලධාරී අල්ලාහ් කෙරෙහි සිහියෙන් සිටීමට දිරිගැන්වීමක් මෙහි ඇත.

මෙම හදීසය සර්ව බලධාරී අල්ලාහ්ගේ යුක්තිය සහ ඔහුගේ මැවීම්වල කටයුතු හොඳින් කළමනාකරණය කිරීම පෙන්නුම් කරන අතර, මෙය ඔහුගේ උසස් පරිපූර්ණත්වයේ ගුණාංගවලින් එකක් බවට කිසිදු සැකයක් නැත.

උත්තරීතර සුවිශුද්ධයාණන් හට ආවරණයක් ඇති බව සහතික කිරීම. එය ඔහු අතර හා ඔහුගේ මැවීම් අතර ආවරණය කර ඇති ආලෝකයයි. එය නොවී නම් ඔවුන් පිළිස්සී යනු ඇත.

අල් ආජුරිය්යි තුමා මෙසේ පවසයි: සර්ව බලාධාරී අල්ලාහ් තමන් ගැන කවර ගුණගායනාවක් කර ඇත්තේ ද එමෙන්ම ඔහුගේ දූත සල්ලල්ලාහු අලයිහි වසල්ලම් තුමාණන් ඔහු ගැන කවර ගුණගායනාවක් කර ඇත්තේ ද තවද එතුමාණන්ගේ අනුගාමිකයින් ඔහු ගැන කවර ගුණගායනාවක් කර ඇත්තේ ද ඒ අයුරින්ම සත්‍යයේ ජනයා ද ඔහු ගැන ගුණගායනා කරති. අලුතින් ආගමික කටයුතු ආරම්භ නොකර, ඉන් වැළකී, නියම ස්වභාවය අනුගමනය කරන විද්වතුන්ගේ ආකල්පය මෙයයි. අහ්ලුස් සුන්නා වල් ජමාආත් නම් පිරිස අල්ලාහ් තමන් ගැන සහතික කළ නාම හා ගුණාංග කිසිදු වෙනස් කිරීමකින් හෝ අඩු වැඩි කිරීමකින් හෝ ක්‍රමවේදයක් ඉදිරිපත් කිරීමෙන් හෝ උපමා කිරීමකින් තොරව ඒ අයුරින්ම ඔහුට ස්ථාපිත කරති. අල්ලාහ් තමන් ගැන නොකියූ දැයින් ඔවුහු ඉවත්ව සිටිති. ඔහු ගැන නොකියූ මෙන්ම සහතික නොකළ දෑ ගැන නිහඬව සිටිති. උත්තරීතර අල්ලාහ් මෙසේ පවසයි. "ඔහු මෙන් කිසිවක් නැත. ඔහු සර් ව ඥානීය සර් ව නිරීක්ෂකය."

උත්තරීතර, සර්ව බලධාරියාණන් විසින් විස්තර කරන ලද ආලෝකය, ඔහු ආවරණය කරන ලද ආලෝකයට සමාන නොවේ. ඔහු ආවරණය කරන ලද ආලෝකය යනු මැවූ ජීවියෙකුගේ ආලෝකයයි. සර්ව බලධාරි අල්ලාහ්ගේ ආලෝකය ඔහුට සහ ඔහුගේ සාරයට ගැලපෙන ආලෝකයකි. ඔහුට සමාන කිසිවක් නැත. නබි (සල්ලල්ලාහු අලයිහි වසල්ලම්) තුමාණණ් දුටුවේ අල්ලාහ් සහ ඔහුගේ ගැත්තන් අතර ඇති වැස්ම පමණි.