فوائد الحديث

Ang pagkakaiba-iba ng mga tagubilin ng Propeta (s) sa mga Kasamahan niya ay nakabatay sa kaalaman niya (s) sa mga kalagayan ng mga Kasamahan niya at kung ano ang umaangkop sa bawat isa sa kanila. Ang malakas ay nababagay sa kanya ang pakikibaka. Ang palasamba ay nababagay sa kanya ang pagsamba. Ang maalam ay nababagay sa kanya ang kaalaman. At gayon nga.

Nagsabi si Ibnu Ḥajar Al-`Asqalānīy kaugnay sa sabi nito na "ayuno ng tatlong araw sa bawat buwan, na ang lumilitaw ay na ang tinutukoy sa mga ito ay ang mga puting araw: ang araw ng ika-13, ika-14, at ika-15 ng buwang hijrah.

Nagsabi si Ibnu Ḥajar Al-`Asqalānīy: Dito ay may pagsasakaibig-ibig ng pag-uuna sa salah na witr sa pagtulog. Iyon ay sa panig ng sinumang hindi nagtitiwala na magising.

Ang kahalagahan ng tatlong gawaing ito dahil sa tagubilin ng Propeta (s) sa mga ito sa isang bilang ng mga Kasamahan niya.

Nagsabi si Ibnu Daqīq Al-`Īd kaugnay sa sabi nito na "dalawang rak`ah ng [salah na] ḍuḥā": Marahil siya ay bumanggit ng pinakakaunti na naroroon ang pagbibigay-diin sa paggawa niyon. Dito ay may isang katunayan sa pagsasakaibig-ibig sa salah na ḍuḥā at na ang pinakakaunti nito ay dalawang rak`ah.

Ang oras ng salah na ḍuḥā ay mga 15 minuto mula sa pagkasikat ng araw. Umaabot ang oras nito hanggang sa mga 10 minuto bago magtanghali. Ang bilang nito ay dalawang rak`ah ang pinakakaunti. Nagkaiba-iba hinggil sa pinakamarami nito sapagkat may sinabing 8 rak`ah at may sinabi ring walang hangganan sa pinakamarami nito.

Ang oras ng salah na witr ay mula sa matapos ng salah na `ishā' hanggang sa pagsapit ng madaling-araw. Ang pinakakaunti nito ay isang rak`ah at ang pinakamarami nito ay 11 rak`ah.