الشرح

Peyğəmbər (Allahın salavatı və salamı onun üzərinə olsun) bildirir ki, hər bir mömin Qiyamət günü Allahın hüzurunda tək dayanacaq və Uca Allah onunla vasitəçi olmadan danışacaq və onların arasında bu sözləri tərcümə edəcək bir tərcüməçi olmayacaq. Və o, şiddətli qorxudan sağa-sola baxacaq ki, bəlkə qarşısındakı oddan xilas olmaq üçün bir yol tapar. Sağ tərəfinə baxdıqda, ancaq etdiyi yaxşı əməlləri görəcək. Soluna baxdıqda isə, ancaq etdiyi pis əməlləri görəcək. Qarşısına baxdıqda, oddan başqa bir şey görməyəcək və ondan yan keçməli olduğu üçün yalnız siratdan keçməlidir. Sonra o (Allahın salavatı və salamı onun üzərinə olsun) dedi: “Cəhənnəmlə öz aranızda hətta xurmanın yarısı kimi kiçik bir şeylə olsa da belə, sədəqə və saleh əməllər ilə sipər çəkin.