إعدادات العرض
“តើចង់ឲ្យខ្ញុំចង្អុលបង្ហាញប្រាប់ពួកអ្នកពីអ្វីដែលធ្វើឲ្យអល់ឡោះជម្រុះនូវបាបកម្ម…
“តើចង់ឲ្យខ្ញុំចង្អុលបង្ហាញប្រាប់ពួកអ្នកពីអ្វីដែលធ្វើឲ្យអល់ឡោះជម្រុះនូវបាបកម្ម និងលើកតម្កើងឋានៈ(នៅក្នុងឋានសួគ៌)ដែរឬទេ”
អំពី អាពូហ៊ូរ៉យរ៉ោះ رضي الله عنه ពិតណាស់រ៉ស៊ូលុលឡោះ ﷺ លោកបានមានប្រសាសន៍ថា៖ “តើចង់ឲ្យខ្ញុំចង្អុលបង្ហាញប្រាប់ពួកអ្នកពីអ្វីដែលធ្វើឲ្យអល់ឡោះជម្រុះនូវបាបកម្ម និងលើកតម្កើងឋានៈ(នៅក្នុងឋានសួគ៌)ដែរឬទេ”? ពួកគេបានឆ្លើយថា៖ ពិតមែនហើយ ឱរ៉ស៊ូលុលឡោះ។ លោកបានមានប្រសាសន៍ថា៖ “ចូរពួកអ្នកយកវូហ្ទុឲ្យបានល្អ ទោះបីមានការលំបាកក៏ដោយ បង្កើនជំហាននៃការដើរទៅម៉ាស្ជិតឲ្យបានច្រើន និងនៅរង់ចាំសឡាតបន្ទាប់ពីបានសឡាតរួច។ ទាំងនោះហើយគឺជាការតស៊ូក្នុងផ្លូវអល់ឡោះ”។
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी Tiếng Việt Hausa Kurdî Kiswahili Português සිංහල دری অসমীয়া Svenska Кыргызча Yorùbá ગુજરાતી नेपाली മലയാളം Română Nederlands Soomaali پښتو తెలుగు Kinyarwanda ಕನ್ನಡ Српски Moore ქართული Čeština Magyar Українська Македонски Lietuvių Azərbaycan Wolof አማርኛ Malagasy Oromoo ไทย Deutsch मराठी ਪੰਜਾਬੀالشرح
ណាពី ﷺ លោកបានសួរសហាហ្ពាត់របស់លោកថា តើពួកគេចង់ឱ្យលោកណែនាំពួកគេពីទង្វើមួយចំនួនដែលជាមូលហេតុក្នុងការទទួលបាននូវការអភ័យទោសនិងលុបវាចេញពីសៀវភៅកំណត់ត្រារបស់ម៉ាឡាអ៊ីកាត់ ព្រមទាំងទទួលបានឋានៈខ្ពង់ខ្ពស់ក្នុងឋានសួគ៌ដែរឬទេ? សហាហ្ពាត់បានឆ្លើយថា៖ បាទ ពួកយើងពិតជាចង់។ លោកបានមានប្រសាសន៍ថា៖ ទីមួយ៖ ត្រូវយកវូហ្ទុឱ្យបានត្រឹមត្រូវនិងពេញលេញ ទោះបីជាមានការលំបាក ដូចជាអាកាសធាតុត្រជាក់ ទឹកតិច ឈឺខ្លួន ឬទឹកក្តៅក៏ដោយ។ ទីពីរ៖ បង្កើនចំនួនជំហាននៃការដើរទៅម៉ាស្ជិតឲ្យបានច្រើន ព្រោះផ្ទះនៅឆ្ងាយ និងឧស្សាហ៍ដើរទៅម៉ាស្ជិត។ ទីបី៖ រង់ចាំពេលវេលាសឡាត ដាក់ចិត្តនឹងការសឡាត ត្រៀមខ្លួនសម្រាប់ការសឡាត និងអង្គុយក្នុងម៉ាស្ជិតដើម្បីរង់ចាំសឡាតរួមគ្នា។ ហើយនៅពេលដែលសឡាតរួច ត្រូវអង្គុយនៅកន្លែងសឡាតរបស់ខ្លួនរង់ចាំសឡាតពេលបន្ទាប់ទៀត។ បន្ទាប់មក ណាពី ﷺ លោកបានបញ្ជាក់ថា ទង្វើទាំងនេះគឺជាការការពារតស៊ូ(ជីហាទ)ពិតប្រាកដ ព្រោះវាបិទផ្លូវស្ហៃតនមិនឱ្យចូលក្នុងចិត្ត បង្ក្រាបតណ្ហា និងការពារពីការល្បួងរបស់វា។ តាមរយៈនេះ កងទ័ពរបស់អល់ឡោះអាចយកឈ្នះលើកងទ័ពស្ហៃតន។ នេះគឺជាការតស៊ូដ៏ធំបំផុត ប្រៀបដូចជាការយាមការពារព្រំដែនពីសត្រូវដែរ។فوائد الحديث
បញ្ជាក់ពីសារៈសំខាន់នៃការថែរក្សាសឡាតជាលក្ខណៈរួមគ្នានៅម៉ាស្ជិត និងការយកចិត្តទុកដាក់លើការសឡាត ហើយមិនត្រូវធ្វេសប្រហែសឡើយ។
បង្ហាញពីវិធីសាស្ត្របង្រៀនដ៏ល្អរបស់ណាពី ﷺ និងការធ្វើឲ្យសហាហ្ពាត់មានចិត្តចង់ដឹងកាន់តែខ្លាំង ខណៈដែលលោកចាប់ផ្តើមដោយការលើកឡើងពីផលបុណ្យដ៏ធំតាមរយៈការសួរសំណួរ ហើយនេះជាវិធីសាស្ត្រមួយក្នុងចំណោមវិធីសាស្ត្រនៃការបង្រៀន។
អត្ថប្រយោជន៍នៃការបង្ហាញបញ្ហាដោយការចោទសួរ គឺធ្វើឱ្យពាក្យសម្តីមានភាពទាក់ទាញ និងមានឥទ្ធិពលកាន់តែខ្លាំងក្នុងចិត្ត។
អ៊ីម៉ាំ អាន់ណាវ៉ាវី រ៉ហ៊ីម៉ាហ៊ុលឡោះ បាននិយាយថា៖ នេះហើយគឺជាការការការពារតស៊ូ(ជីហាទ) ដែលត្រូវបានលើកទឹកចិត្ត។ ពាក្យដើមនៃ រីហ្ពាត មានន័យថាការចងភ្ជាប់នឹងអ្វីមួយ ដូចជាប្រសិនបើនរណាម្នាក់ចងខ្លួននឹងការគោរពប្រតិបត្តិនេះ។ មានការនិយាយថា វាជារីហ្ពាត ឬការការពារដ៏ប្រសើរបំផុត ដូចជាការតស៊ូជម្មះនឹងខ្លួនឯង។ វាក៏អាចមានន័យថា ជាការការពារដែលអាចធ្វើបាន ដែលជាប្រភេទមួយនៃការការពារ។
ពាក្យ "រីហ្ពាត" ត្រូវបានប្រើឡើងវិញ និងកំណត់ដោយ (អាល់) ដើម្បីបង្ហាញពីភាពឧត្តុង្គឧត្តមនៃទង្វើទាំងនេះ។
التصنيفات
Merits of Good Deeds