الشرح

ណាពី ﷺ លោកបានប្រាប់ថា ជាការពិតណាស់ ក្នុងចំណោមអ្នកដែលលោកស្រឡាញ់ជាងគេបំផុតក្នុងលោកិយ និងមានឋានៈជិតលោកជាងគេបំផុតនៅថ្ងៃបរលោក គឺអ្នកដែលមានសីលធម៌ល្អជាងគេបំផុតក្នុងចំណោមពួកគេ។ ហើយអ្នកដែលលោកស្អប់ជាងគេបំផុតក្នុងលោកិយ និងឆ្ងាយពីលោកបំផុតនៅថ្ងៃបរលោក គឺអ្នកដែលអសីលធម៌ដូចជា ពួកអាសសើរសារូន៖ គឺអ្នកដែលនិយាយច្រើនហួសហេតុ និងវង្វេងចេញពីការពិត, ពួកអាល់មូតាស្ហាត់ទីគូន៖ គឺអ្នកដែលនិយាយបំផ្លើសបង្ហាញថាខ្លួនមានភាពឆ្លាតវៃ និងមានអំណួតលើពាក្យសម្តីរបស់ខ្លួនដោយគ្មានការប្រុងប្រយ័ត្ន ហើយនិងពួកអាល់មូតាហ្វៃហ៊ីគូន។ ពួកគេបានសួរថា៖ ឱរ៉ស៊ូលុលឡោះ! ពួកយើងបានដឹងហើយអំពីពួកអាសសើរសារូន និងពួកអាល់មូតាស្ហាត់ទីគូន។ ចុះចំណែកពួកអាល់មូតាហ្វៃហ៊ីគូន វិញ? លោកបានឆ្លើយថា៖ “គឺពួកដែលក្រអឺតក្រទម ចំអកឲ្យអ្នកដទៃ និងនិយាយបើកមាត់ធំៗ។