فوائد الحديث

ការហាមឃាត់ក្នុងការចោទប្រកាន់មនុស្សថាជាអ្នកកាហ្វៀរ ឬហ្វាសិកដោយគ្មានភស្តុតាងតាមច្បាប់សាសនា។

ចាំបាច់ត្រូវមានការផ្ទៀងផ្ទាត់មុនពេលធ្វើការវិនិច្ឆ័យលើអ្នកដទៃ។

អ៊ីបនូ ដាគីគ អាល-អ៊ីដ បាននិយាយថា៖ "នេះជាការព្រមានដ៏ធ្ងន់ធ្ងរសម្រាប់អ្នកដែលចោទប្រកាន់មូស្លីមណាម្នាក់ថាជាកាហ្វៀរដោយមិនពិត វាជាកំហុសដ៏ធ្ងន់ធ្ងរមួយ។"

អ៊ីបនូ ហាជើរ អាល់-អាស្កាឡានី បាននិយាយថា៖ "ប៉ុន្តែទោះបីជាគាត់មិនក្លាយជាហ្វាសិក ឬកាហ្វៀរដោយសារតែការនិយាយបែបនេះក៏ដោយ វាមិនមានន័យថាគាត់មិនមានបាបនោះទេ នៅពេលដែលគាត់និយាយថា 'អ្នកជាហ្វាសិក'។ ក្នុងករណីនេះ យើងត្រូវពិចារណា៖ ប្រសិនបើគាត់មានបំណងទូន្មាន ឬប្រាប់អ្នកដទៃអំពីស្ថានភាពរបស់បុគ្គលនោះ វាអាចអនុញ្ញាតបាន។ ប៉ុន្តែប្រសិនបើគាត់មានបំណងមាក់ងាយ និងធ្វើឱ្យគេអាម៉ាស់ វាមិនត្រូវបានអនុញ្ញាតទេ។ ព្រោះយើងត្រូវបានបង្គាប់ឱ្យលាក់បាំងកំហុសរបស់គេ និងបង្រៀនគេដោយសុភាពរាបសា។ ដរាបណាអាចធ្វើបានដោយភាពទន់ភ្លន់ យើងមិនគួរប្រើភាពរឹងរូសឡើយ ព្រោះវាអាចនាំឱ្យគេកាន់តែប្រព្រឹត្តអំពើអាក្រក់ ដូចដែលយើងឃើញក្នុងធម្មជាតិរបស់មនុស្សភាគច្រើនដែលមានការឆាបខឹង ជាពិសេសប្រសិនបើអ្នកដែលព្រមានមានឋានៈទាបជាងអ្នកដែលត្រូវបានព្រមាន។