إعدادات العرض
ئەز شیره‌تێ ب ته‌قوا خودێ ل هه‌وە دکەم و ب گوهداریکرن و بجهئینانا فەرمانا مه‌زن و ده‌ستهه‌لاتدارێ موسلمان، خۆ ئەگەر عەبدەکی فەرمان ل سەر وە کر و بوو مه‌زنێ…
ئەز شیره‌تێ ب ته‌قوا خودێ ل هه‌وە دکەم و ب گوهداریکرن و بجهئینانا فەرمانا مه‌زن و ده‌ستهه‌لاتدارێ موسلمان، خۆ ئەگەر عەبدەکی فەرمان ل سەر وە کر و بوو مه‌زنێ هه‌وه. چونکی ب ڕاستی هەر کەسێ ژ هەوە پشتی من بژیت؛ دێ گه‌له‌ك ڤێكنه‌كرن و جوداهییێ بینیت. ڤێجا هه‌وه ئه‌مانه‌ت سوننەتا من و سوننەتا خەلیفەیێن من یێن سه‌رڕاست
ژ عیڕبازێ كوڕێ ساریه‌ی (خودێ ژێ ڕازی بیت) گۆت: پێغەمبەرێ خودێ (صەلات و سەلامێن خودێ ل سەر بن) وه‌عزه‌ك ل مه كر كو دل ژ به‌ر ترسیان و چاڤ ژ به‌ر گریان. ڤێجا مە گۆت: ئه‌ی پێغەمبەرێ خودێ؛ هه‌ر وه‌كی دێ بێژی ئه‌ڤه شیره‌تا وی كه‌سییه یێ خاترا خۆ دخوازیت، ڤێجا شیره‌تێ ل مە بکە. گۆت: ((ئەز شیره‌تێ ب ته‌قوا خودێ ل هه‌وە دکەم و ب گوهداریکرن و بجهئینانا فەرمانا مه‌زن و ده‌ستهه‌لاتدارێ موسلمان، خۆ ئەگەر عەبدەکی فەرمان ل سەر وە کر و بوو مه‌زنێ هه‌وه. چونکی ب ڕاستی هەر کەسێ ژ هەوە پشتی من بژیت؛ دێ گه‌له‌ك ڤێكنه‌كرن و جوداهییێ بینیت. ڤێجا هه‌وه ئه‌مانه‌ت سوننەتا من و سوننەتا خەلیفەیێن من یێن سه‌رڕاست، وێ ب ددانێن خۆ یێن پشتێ بگرن و پدییێن خۆ ل سه‌ر بشدینن و هشیاری كارێن داهێنایی (بیدعه‌یان) بن د دینیدا، چونكی ب ڕاستی هەر بیدعەیەکا هه‌بیت سه‌رداچوون و به‌رزه‌بوونه)).
الترجمة
العربية English မြန်မာ Svenska Čeština ગુજરાતી Yorùbá اردو Bahasa Indonesia ئۇيغۇرچە සිංහල हिन्दी Tiếng Việt Hausa Kiswahili پښتو অসমীয়া دری Кыргызча or नेपाली Română Kinyarwanda বাংলা తెలుగు Bosanski Kurdî Lietuvių മലയാളം Nederlands Soomaali Shqip Српски Deutsch Українська ಕನ್ನಡ Wolof Moore Português ქართული Azərbaycan 中文 Magyar فارسی Tagalog தமிழ் Македонски Русский አማርኛ Malagasy Oromoo ไทย मराठी ਪੰਜਾਬੀ Türkçe O‘zbek ភាសាខ្មែរ Français Español ms тоҷикӣ rnالشرح
پێغەمبەرێ خودێ (صەلات و سەلامێن خودێ ل سەر بن) شیره‌ته‌كا كارتێكه‌ر و مه‌زن ل صه‌حابییێن خۆ كر کو دل ژ به‌ر ترسیان و چاڤ ژ به‌ر گریان، ئینا وان گۆت: ئەی پێغەمبەرێ خودێ؛ ئه‌ڤه وه‌كی شیره‌تا كه‌سه‌كییه كو بڤێت خاترا خۆ بخوازیت، ژ بەر وێ چەندێ یا کو د شیره‌ت کرنا ویدا دیتی ژ كارتێكرنێ، ژ به‌ر هندێ ژی وان داخواز ژ پێغه‌مبه‌ری (صەلات و سەلامێن خودێ ل سەر بن) كر ئه‌و شیره‌ته‌كێ ل وان بكه‌ت كو پشتی وی ده‌ست پێڤه بگرن و به‌رنه‌ده‌ن، وی گۆت: ئه‌ز شیره‌تێ ل هه‌وە دکەم ب ته‌قوا خودێ، ئەڤە ب ئه‌نجامدانا كارێن واجب و هێلانا كارێن حه‌رام، هه‌روه‌سا ئه‌ز شیره‌تێ ل هه‌وه دكه‌م ب گوهدان و جێبه‌جێكرنا فه‌رمانێ، ئانکو: بۆ مه‌زن و كاربده‌ستان، خۆ ئەگەر عەبدەك بوو مه‌زن و كاربده‌ستێ هه‌وه یان خۆ ئه‌گه‌ر ب زۆڕی ده‌ستهه‌لات ل هه‌وه كر، ئانكو خۆ ئه‌گه‌ر كێمترین مرۆڤ ده‌ستهه‌لاتێ ل هه‌وه بكه‌ت؛ هه‌وه ئه‌مانه‌ت گوهدارییا وی بكه‌ن و ده‌ستان ژ ڤێ شیره‌تێ به‌رنه‌ده‌ن، ئه‌ڤه ژی بۆ هندێیه دا فتنه و خرابی په‌یدا نه‌بیت، چونكی هه‌ر كه‌سێ ژ هه‌وە بژیت؛ دێ ڤێكنه‌كرن و جودابوونه‌كا مه‌زن بینیت، پاشی ڕێكا ڕزگاربوون و دەرکەڤتنێ ژ ڤێ ڤێكنه‌كرن و جودابوونێ بۆ وان دیار کر، ئەڤە ژی ب ده‌ستگرتن و پێگیربوونا ب سوننه‌تا وی و سوننەتا خه‌لیفه‌یێن سه‌ر ڕاست و شه‌هره‌زا پشتی وی، كو ئه‌و ژی ئه‌ڤه‌نه: ئه‌بۆ بەکرێ ڕاستگۆ، عومه‌رێ كوڕێ خه‌طابی، عوسمانێ كوڕێ عه‌فانی و عه‌لییێ كوڕێ ئه‌بو طالبی (خودێ ژ هه‌مییان ڕازی بیت)، مه‌ره‌م ب گرتنا سوننه‌تا وان ب ددانێن كێلبا و یێن پشتێ ژی ئه‌ڤه‌یه: ئانكو گه‌له‌ك ب ڕژدی و دژواری ده‌ست ب سوننه‌تێڤه بگرن و پێگیرییێ پێ بكه‌ن. دیسان وی ئه‌و هشیاركرن ژ تشتێن نوی ده‌ركه‌ڤتی و بیدعەیان د دینیدا، چونكی هەمی بیدعە سه‌رداچوونن.فوائد الحديث
گرنگییا ده‌ستگرتن و پێگیربوونا ب سوننەتێ و دویڤچوونا وێ.
گرنگیدان ب شیره‌تان و گرنگیدان ب وان تشتێن دلی نه‌رم دكه‌ن.
فەرمانكرن ب دویڤچوونا خه‌لیفه‌یێن ڕاشد پشتی وی كو چار بوون، ئه‌و ژی ئه‌بو به‌كر و عومه‌ر و عوسمان و عه‌لینه (خودێ ژ هه‌مییان ڕازی بیت).
پاشڤه‌برن ژ داهێنان و بیدعه‌یان د دینیدا و کو هەمی بیدعە سه‌رداچوونن.
گوهدان و جێبه‌جێكرنا فه‌رمانا وی كه‌سێ كارێ باوەرداران گرتییە ده‌ست، ئه‌گه‌ر ئه‌ڤ گوهدانه د سه‌رپێچیكرن و گونه‌هێدا نه‌بیت.
گرنگییا ته‌قوا خودێ د هەمی دەم و ڕەوشاندا.
ڤێكنه‌كرن و جودابوون دێ هه‌ر د ناڤ ڤێ ئوممه‌تێدا په‌یدا بیت، و ده‌مێ ئه‌ڤ چه‌نده په‌یدا دبیت؛ پێدڤییه مرۆڤێ موسلمان بزڤڕیته سوننەتا پێغەمبەرێ خودێ (صەلات و سەلامێن خودێ ل سەر بن) و سوننه‌تا خه‌لیفه‌یێن ڕاشد.