إعدادات العرض
ವಿಧವೆ ಮತ್ತು ಬಡವರಿಗಾಗಿ ಪರಿಶ್ರಮಪಡುವವರು ಅಲ್ಲಾಹನ ಮಾರ್ಗದಲ್ಲಿ ಯುದ್ಧ ಮಾಡುವವರಿಗೆ, ಅಥವಾ ರಾತ್ರಿಯಿಡೀ ನಮಾಝ್ ಮಾಡುವವರು…
ವಿಧವೆ ಮತ್ತು ಬಡವರಿಗಾಗಿ ಪರಿಶ್ರಮಪಡುವವರು ಅಲ್ಲಾಹನ ಮಾರ್ಗದಲ್ಲಿ ಯುದ್ಧ ಮಾಡುವವರಿಗೆ, ಅಥವಾ ರಾತ್ರಿಯಿಡೀ ನಮಾಝ್ ಮಾಡುವವರು ಮತ್ತು ಹಗಲಿಡೀ ಉಪವಾಸ ಆಚರಿಸುವವರಿಗೆ ಸಮವಾಗಿದ್ದಾರೆ
ಅಬೂ ಹುರೈರ (ಅಲ್ಲಾಹು ಅವರ ಬಗ್ಗೆ ಸಂಪ್ರೀತನಾಗಲಿ) ರಿಂದ ವರದಿ. ಅವರು ಹೇಳಿದರು: ಪ್ರವಾದಿಯವರು (ಅವರ ಮೇಲೆ ಅಲ್ಲಾಹನ ಕೃಪೆ ಮತ್ತು ಶಾಂತಿಯಿರಲಿ) ಹೇಳಿದರು: "ವಿಧವೆ ಮತ್ತು ಬಡವರಿಗಾಗಿ ಪರಿಶ್ರಮಪಡುವವರು ಅಲ್ಲಾಹನ ಮಾರ್ಗದಲ್ಲಿ ಯುದ್ಧ ಮಾಡುವವರಿಗೆ, ಅಥವಾ ರಾತ್ರಿಯಿಡೀ ನಮಾಝ್ ಮಾಡುವವರು ಮತ್ತು ಹಗಲಿಡೀ ಉಪವಾಸ ಆಚರಿಸುವವರಿಗೆ ಸಮವಾಗಿದ್ದಾರೆ."
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी Kurdî Hausa Português മലയാളം తెలుగు Kiswahili தமிழ் မြန်မာ Deutsch 日本語 پښتو Tiếng Việt অসমীয়া Shqip Svenska Čeština ગુજરાતી አማርኛ Yorùbá ئۇيغۇرچە සිංහල ไทย دری Кыргызча or Kinyarwanda नेपाली Română Lietuvių Malagasy Oromoo Nederlands Soomaali Српски Українськаالشرح
ಪ್ರವಾದಿಯವರು (ಅವರ ಮೇಲೆ ಅಲ್ಲಾಹನ ಕೃಪೆ ಮತ್ತು ಶಾಂತಿಯಿರಲಿ) ಇಲ್ಲಿ ತಿಳಿಸುವುದೇನೆಂದರೆ, ಗಂಡನನ್ನು ಕಳಕೊಂಡು ನೋಡಿಕೊಳ್ಳಲು ಯಾರೂ ಇಲ್ಲದ ವಿಧವೆಯ ಮತ್ತು ನಿರ್ಗತಿಕರ ಯೋಗಕ್ಷೇಮ ನೋಡುವವರು ಮತ್ತು ಅಲ್ಲಾಹನಿಂದ ಪ್ರತಿಫಲವನ್ನು ಅಪೇಕ್ಷಿಸಿ ಅವರಿಗೆ ಖರ್ಚು ಮಾಡುವವರು ಅಲ್ಲಾಹನ ಮಾರ್ಗದಲ್ಲಿ ಯುದ್ಧ ಮಾಡುವ ಧರ್ಮಯೋಧರು ಪಡೆಯುವ ಪ್ರತಿಫಲವನ್ನು ಅಥವಾ ದಣಿವಿಲ್ಲದೆ ರಾತ್ರಿ ತಹಜ್ಜುದ್ ನಮಾಝ್ ಮಾಡುವವರು ಮತ್ತು ನಿರಂತರ ಉಪವಾಸ ಆಚರಿಸುವವರು ಪಡೆಯುವ ಪ್ರತಿಫಲವನ್ನು ಪಡೆಯುತ್ತಾರೆ.فوائد الحديث
ಪರಸ್ಪರ ಸಹಕರಿಸುವುದು, ವಹಿಸಿಕೊಳ್ಳುವುದು ಮತ್ತು ದುರ್ಬಲರ ಅಗತ್ಯಗಳನ್ನು ನೆರವೇರಿಸುವುದನ್ನು ಪ್ರೋತ್ಸಾಹಿಸಲಾಗಿದೆ.
ಆರಾಧನೆಯು ಎಲ್ಲಾ ಸತ್ಕರ್ಮಗಳನ್ನೂ ಒಳಗೊಳ್ಳುತ್ತದೆ. ವಿಧವೆ ಮತ್ತು ಬಡವರಿಗಾಗಿ ಪರಿಶ್ರಮಪಡುವುದು ಆರಾಧನೆಯಲ್ಲಿ ಒಳಪಡುತ್ತದೆ.
ಇಬ್ನ್ ಹುಬೈರ ಹೇಳುತ್ತಾರೆ: "ಇದರ ಅರ್ಥವೇನೆಂದರೆ, ಅಲ್ಲಾಹು ಅವರಿಗೆ ಒಂದೇ ಸಲಕ್ಕೆ ಉಪವಾಸ ಆಚರಿಸುವವರ, ನಮಾಝ್ ಮಾಡುವವರ ಮತ್ತು ಯುದ್ಧ ಮಾಡುವವರ ಪ್ರತಿಫಲವನ್ನು ನೀಡುತ್ತಾನೆ. ಏಕೆಂದರೆ, ಅವರು ತಮ್ಮ ಶಕ್ತಿ ಮತ್ತು ಸಂಪತ್ತಿಗೆ ಅನುಸಾರವಾಗಿ ಖರ್ಚು ಮಾಡುತ್ತಾ, ವಿಧವೆಗೆ ಅವಳ ಗಂಡನ ಸ್ಥಾನದಲ್ಲಿ ನಿಂತು ಸೇವೆ ಮಾಡುತ್ತಾರೆ ಮತ್ತು ಸ್ವಯಂ ತಮ್ಮ ಅಗತ್ಯಗಳನ್ನು ನೆರವೇರಿಸಲು ಸಾಧ್ಯವಾಗದ ನಿರ್ಗತಿಕರಿಗೆ ಅವರ ಅಗತ್ಯಗಳನ್ನು ಪೂರೈಸಿಕೊಡುತ್ತಾರೆ. ಆದ್ದರಿಂದ ಅವರಿಂದ ಉಂಟಾಗುವ ಪ್ರಯೋಜನವು ಉಪವಾಸ, ನಮಾಝ್ ಮತ್ತು ಯುದ್ಧಕ್ಕೆ ಸಮವಾಗಿರುತ್ತದೆ.
التصنيفات
Merits of Organs' Acts