إعدادات العرض
هەرکەسێک سەردانی نەخۆشێک بکات کە هێشتا کاتی سەرەمەرگی نەهاتبێت، ولە لای نەخۆشەکە بڵێت: ( أسأل الله العظيم، ربَّ العرشِ العظيم، أن يَشفيك )، ئەوا خواى گەورە شیفای…
هەرکەسێک سەردانی نەخۆشێک بکات کە هێشتا کاتی سەرەمەرگی نەهاتبێت، ولە لای نەخۆشەکە بڵێت: ( أسأل الله العظيم، ربَّ العرشِ العظيم، أن يَشفيك )، ئەوا خواى گەورە شیفای دەدات لەو نەخۆشییە
لە عبداللەی کوڕی عەباسەوە -ڕەزای خوایان لێبێت- کە پێغەمبەر -صلى اللە علیە وسلم- دەفەرموێت: «هەرکەسێک سەردانی نەخۆشێک بکات کە هێشتا کاتی سەرەمەرگی نەهاتبێت، ولە لای نەخۆشەکە بڵێت: ( أسأل الله العظيم، ربَّ العرشِ العظيم، أن يَشفيك )*، ئەوا خواى گەورە شیفای دەدات لەو نەخۆشییە». *(واتە: داوا لە خودای مەزن دەکەم، پەروەردگاری عەرشی مەزن، شیفات بدات)
[صەحیحە] [تورموذی گێڕاویەتیەوە - ئیبنوداود گێڕاویەتیەوە - ئەحمەد گێڕاویەتیەوە]
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी සිංහල Hausa Português Kiswahili অসমীয়া Tiếng Việt ગુજરાતીالشرح
ئەم فەرموودەیە مانای ئەوەیە ئەگەر مرۆڤ سەردانی هەرنەخۆشێک بکات، وبە نەخۆشەکە بڵێت: (أسأل الله العظيم، ربَّ العرشِ العظيم، أن يَشفيك)، واتە: (داوا لە خودای مەزن دەکەم، پەروەردگاری عەرشی مەزن، شیفات بدات)، ئەوا خواى گەورە شیفای دەدات لەو نەخۆشییە. ئەمە ئەگەر نەخۆشەکە نەگەیشبێتە ساتی سەرەمەرگ، چونکە ئەگەر ساتی سەرەمەگ هات هیچ دەرمان ونزایەک سوودی بۆی نابێت کە لە مردن بیگێڕێـتەوە، چونکە خواى گەورە دەفەرموێت: {وَلِكُلِّ أُمَّةٍ أَجَلٞۖ فَإِذَا جَآءَ أَجَلُهُمۡ لَا يَسۡتَأۡخِرُونَ سَاعَةٗ وَلَا يَسۡتَقۡدِمُونَ}[الأعراف: 34]، واتە: {وبۆ ھەموو ئوممەتێک (هەموو کەسێک) کاتێکی دیاریکراو ھەیە (بۆ مردنیان یان سزادانیان) ئەمجا کاتێک ساتی (مردنیان یان سزایان) ھات تەنها ساتێک دواناکەون وپێشیش ناکەون}.التصنيفات
روقیەی شەرعی -خوێندنەوەی شەرعی-