فوائد الحديث

भाकल गर्न तोकिएको छैन, तर जब कुनै व्यक्तिले भाकल गर्ने नियत गर्छ र त्यो पाप कार्य छैन भने उसले पूरा गर्नुपर्छ ।

(भाकलले कुनै फाइदा गर्दैन); भनेर भाकललाई निषेध गर्नुको कारण भनेको यसले अल्लाहको कुनै निर्णयलाई परिवर्तन गर्न सक्दैन । त्यसैगरी भाकल गर्ने व्यक्तिले भाकलको कारणले मात्र आफ्नो मनसाय पूरा भएको सोच्नु हुँदैन, किनकि अल्लाह उसको भाकलबाट निरपेक्ष हुनुहुन्छ ।

कुर्तुबी भन्छन्: यसलाई यो कारणले गर्दा निषेध गरिएको छ, जस्तै एक व्यक्तिले भन्छ: यदि अल्लाहले मेरो बिरामीलाई निको पार्नुहुन्छ भने म यति दान दिनेछु । निषेधको कारण के छ भने उनले आफ्नो काम पुरा भएमा मात्र दान दिने शर्त राखेको छ । यसले के स्पष्ट हुन्छ भने यो उपासना (दान) अल्लाहको लागि विशुद्ध छैन । बरु उसले क्षतिपूर्तिको बाटो रोजेको छ । यदि अल्लाहले रोगीलाई निको पार्दैन भने, उसले दान दिनेछैन र यो कंजूसको मामिला हो भन्ने प्रष्ट हुन्छ । किनभने उसले तुरुन्तै र बढी प्राप्त हुने चीजको सट्टामा मात्र आफ्नो सम्पत्ति दिने भनेको छ ।