हजरत अबान बिन उस्मान रजि. द्वारा वर्णन छ, उनी भन्छन् कि मैले उस्मान बिन अफ़्फ़ान रज़ियल्लाहु अन्हुले भन्नु भएको सुनेँ कि उहाँले अल्लाहका रसूल सल्लल्लाहु अलैहि व सल्लमले भन्नु भएको सुन्नु भयो : जसले तीन पटक याे दुआ पढ्यो, " بِسْمِ اللَّهِ الَّذِي لَا يَضُرُّ مَعَ اسْمِهِ شَيْءٌ، فِي الْأَرْضِ، وَلَا فِي السَّمَاءِ، وَهُوَ السَّمِيعُ الْعَلِيمُ" ( अनुवाद: उहाँ अल्लाहको नामबाट जसको नामद्वारा धरती र आकाशमा कुनै चिजले हानी पुर्याउँदैन र उहाँ अति नै सर्वश्रोता एवं सर्वज्ञ हुनु हुन्छ । ) उसमाथि बिहानसम्म कुनै विपद अचानक आउँदैन । र जसले बिहानको समयमा तीन पटक यो दुआ पढ्यो,बेलुका हुन्जेलसम्म उसमाथि अचानक कुनै समस्या न आउला । वर्णन कर्ता भन्छन् कि पछि अबान बिन उसमानलाई पक्षघात भयो,उनसित यो हदीस सुन्ने मान्छे हेर्न लाग्यो र हेरेको हेर्यै गरि रह्यो । अत: अबानले उसलाई सोधे, किन तिमी मतिर हेरेको हेर्यै छौ ? अल्लाह कसम ! न मैले उस्मानतिर जोडेर झुट्टो कुरा भनेको हो न त उस्मान रजि.ले अल्लाहका रसूल तर्फ उहाँले भन्नु भएको कुरा भनेर असत्य बोल्नु भएको हो । वास्तवमा भएको के हो भने जुन दिन मलाई यो बिमारी लाग्यो त्यो दिन रिसको झोकमा भएकोले यो दुआ पढ्न बिर्सिएको थिएँ ।