إعدادات العرض
هېڅ ډله په یوه ځای کې ناسته نه کوي چې هلته د الله یاد ونه کړي او پر پېغمبر یې درود ونه وایي، مګر دا چې (هغه ناسته به ) د دوی لپاره د نقصان او پښېمانتیا لامل وګرځي؛ نو که…
هېڅ ډله په یوه ځای کې ناسته نه کوي چې هلته د الله یاد ونه کړي او پر پېغمبر یې درود ونه وایي، مګر دا چې (هغه ناسته به ) د دوی لپاره د نقصان او پښېمانتیا لامل وګرځي؛ نو که الله وغواړي سزا به ورکړي او که وغواړي بخښنه به ورته وکړي
له ابوهریره رضي الله عنه څخه روایت دی چې رسول الله صلی الله علیه وسلم فرمایلي: «هېڅ ډله په یوه ځای کې ناسته نه کوي چې هلته د الله یاد ونه کړي او پر پېغمبر یې درود ونه وایي، مګر دا چې (هغه ناسته به ) د دوی لپاره د نقصان او پښېمانتیا لامل وګرځي؛ نو که الله وغواړي سزا به ورکړي او که وغواړي بخښنه به ورته وکړي».
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी Tiếng Việt සිංහල Hausa Kurdî Português தமிழ் Kiswahili অসমীয়া ગુજરાતી Nederlands മലയാളം Română Magyar ქართული Moore ไทย Македонски తెలుగు मराठी Українська ਪੰਜਾਬੀ دری አማርኛ Malagasy ភាសាខ្មែរ ಕನ್ನಡالشرح
نبي صلی الله عليه وسلم د الله تعالی له یادولو څخه د بې پروایۍ په اړه خبرداری ورکړی او ویلي یې دي چې کوم خلک چې په یوه مجلس کې ناست وي او هلته الله نه یادوي او د هغه په رسول صلی الله عليه وسلم درود نه وایي، مګر دا چې هغه مجلس به د قیامت په ورځ د دوی لپاره د پښېمانۍ، زیان او نقصان لامل وګرځي؛ نو که الله وغواړي دوی به د هغوی د پخوانیو ګناهونو او راتلونکي بې پروایۍ له امله په سزا ورسوي او که وغواړي نو په خپل فضل او رحم سره به یې وبخښي.فوائد الحديث
د ذکر فضیلت او ورته هڅوونه.
د هغو مجلسونو فضیلت چې الله تعالی پکې یادېږي او د هغه په رسول صلی الله علیه وسلم پکې درود ویل کېږي، او هغه مجلسونه چې دا کارونه پکې نه کېږي، پکې د ناستو لپاره د قیامت په ورځ د بدبختۍ لامل ګرځي.
کوم خبرداری چې د الله د یاد څخه د غفلت په اړه ورکړل شوی یوازې پر مجلسونو پورې محدود نه دی، بلکې نورو ځایونو ته هم شاملېږي، نووي ویلي: څوک چې په یو ځای کې ناسته وکړي نو د الله تعالی له یادولو پرته ورته د هغه ځای پرېښودل مکروه دي.
په قيامت کې د دوی پښېماني خو يا: د اجر او ثواب له لاسه ورکول دي ځکه چې وخت یې د الله په اطاعت کې نه دی کارولی او خو يا ګناه او سزا ده ځکه چې وخت یې د الله تعالی په نافرمانۍ کې تېر کړی دی.
دا خبرداری د مباحې بې پروایۍ په اړه دی، نو د هغه چا به څه حال وي چې په حرامو مجلسونو کې ګډون کوي؛ چې غیبت، چغلګري او داسې نور ګناهونه پکې کېږی.
التصنيفات
آزاد اذکار