إعدادات العرض
aw nit duñu toog ci ab jotaay te tudduñu fa Yàlla te julliwuñu ci seenub Yonnente lu dul ne dana nekk ag réccu ci seen kaw, bu ko soobee mu mbugal leen bu ko soobee mu jéggal leen
aw nit duñu toog ci ab jotaay te tudduñu fa Yàlla te julliwuñu ci seenub Yonnente lu dul ne dana nekk ag réccu ci seen kaw, bu ko soobee mu mbugal leen bu ko soobee mu jéggal leen
Jële nañu ci Abuu Hurayrata -yal na ko Yàlla dollee gërëm- mu jële ci Yonnente bi -yal na ko Yàlla dolli xéewal ak mucc- mu wax ne: "aw nit duñu toog ci ab jotaay te tudduñu fa Yàlla te julliwuñu ci seenub Yonnente lu dul ne dana nekk ag réccu ci seen kaw, bu ko soobee mu mbugal leen bu ko soobee mu jéggal leen".
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी Tiếng Việt සිංහල Hausa Kurdî Português தமிழ் Kiswahili অসমীয়া ગુજરાતી Nederlands മലയാളം Română Magyar ქართული Moore ไทย Македонски తెలుగు मराठी Українська ਪੰਜਾਬੀ دری አማርኛ Malagasy ភាសាខ្មែរ ಕನ್ನಡ پښتو Svenskaالشرح
Yonnente bi yal na ko Yàlla dolli xéewal ak mucc day moytandikuloo càggante ci tudd Yàlla, ci ne aw nit duñu toog ci ab jotaay te tudduñu fa Yàlla mu kawe mi, te it julliwuñu ci Yonnenteem bi yal na ko Yàlla dolli xéewal ak mucc lu dul ne jotaay boobu dana nekk ci ñoom ag réccu ak ug ñàkk ak ug wàññeeku ëllëg bis-pénc, bu ko soobee mu mbugal leen ci seen bàkkaar ya jiitu ak seen ug gàtteñlu ga ca tege, bu ko soobee it mu jéggal leen ngir ngëneelam ak yërmàndeem.فوائد الحديث
Soññee ci tudd Yàlla ak ngëneelam.
Ngëneelu jotaay yi ñuy tudde Yàlla mu kawe mi, ak tudd fa Yonnenteem bi yal na ko Yàlla dolli xéewal ak mucc, ak ne jotaay yi nga xam ne loolu amu fa, mooy jotaay yu bon yi ca ña fa nekk ëllëg bis-pénc.
Li ñu tudd ci moytandikuloo càggante ci tudd Yàlla yamul rekk ci jotaay yi, waaye day làmboo it lu dul moom, An-Nawawii nee na: sib nañu ku toog ci barab mu jogefa njëkk mu fay tudd Yàlla.
Réccu giy am ëllëg bis-pénc: benn mu nekk rëccu ci ñàkka am ab yool ngir li ñu ñàkk a jariñoo waxtu wa ci tudd Yàlla, walla mu nekk ngir bàkkaar ak mbugal ngir li ñu def ci waxtu wa ci moy Yàlla.
Àrtu gii bu dee càggante gi lu dagan mo ko waral, kon naka lay deme bu dee ay jotaay yu araam la yoo xam ne jëw ak rambaaj ak yeneen moo fay am ?!
التصنيفات
Sikkar yees joyal