الشرح

නබි (සල්ලල්ලාහු අලයිහි වසල්ලම්) තුමා මස්ජිදයට පිවිසුනු විට “අඌදු බිල්ලාහිල් අළීම්” උසස් පැවැත්ම, උසස් කටයුතු හා උසස් ගුණාංග සතු අල්ලාහ්ගෙන් මම ආරක්ෂාව පතමි. ඔහු වෙත හැරෙමි. රැකවරණය පතමි. යන්නයි. “වබිවජ්හිහිල් කරීම්” කරීම් යන පදයේ තේරුම ඔහු පිරිනැමීම හේතුවෙන් කිසිවක් අඩුනොවන මහත් ත්යාගශීලීය. ඔහු පොදුවේ උපකාරශීලීය. සමස්තයක් වශයෙන් ‘කරීම්’ යනු සියලුම යහපත ගෙන දෙන ගෞරවනීය මහිමයෙන් යුතු සියලු වර්ගයන්ට පොදු වූවකි. අල්ලාහ් සතු ගුණාංගයක් වන මුහුණ කිසිදු විකෘති කිරීමකින් හෝ අඩු වැඩි කිරීමකින් තොරව කිසිදු විස්තර කිරීමකින් හෝ උපමා කිරීමකින් තොරව තහවුරු කිරීම අනිවාර්යය වන්නේය. “වසුල්තානිහිල් කදීම්” ඔහුගේ බලවත් සාධකය හා සාක්ෂිය හෝ ඔහුගේ බලවත් බලාධිකාරියයයි. “මිනෂ් ෂෙයිතානිර් රජීම්” එනම් අල්ලාහ්ගේ දොරටුවෙන් නෙරපා හරින ලද හෝ අහසේ උල්කාවලින් පහර දෙනු ලබන ෂෙයිතාන්ගෙන් ආරක්ෂාව පතමි. ‘එය සෑහෙන්නේ දැයි ඔහු විමසීය. මම ‘එසේය’ යැයි පිළිතුරු දුනිමි.” එනම් එක් වාර්තාකරුවකු තම ගුරුවරයාගේ මෙසේ විමසීය: ‘වාර්තා කර සිටියේ මෙම ප්රමාණය ද? එසේ නැතහොත් ඊටත් වඩා වැඩි ප්රමාණයක් ද? එසේ නැතහොත් එහි අදහස වෙනත් අනුවාද හැරෙන්නට මෙය ප්රමාණවත් වන්නේ ද? එසේත් නැතහොත් ෂෙයිතාන්ගෙන් නපුරෙන් ආරක්ෂා වන්නට මෙය ප්රමාණවත්ද? යන්නයි. එබැවින් ඔහු “මම: එසේය යැයි පැවසුවෙමි” යැයි පැවසීය. එය එසේ ඔහු පැවසූ විට ෂෙයිතාන්: "අද දින ඉතිරිව ඇති කාලයේ මගෙන් ආරක්ෂාව ඔහු ලැබීය." යැයි පවසයි. එනම් සඳහන් කරනු ලැබූ මෙම ප්රාර්ථනාව මස්ජිදයට ඇතුළු වන්නෙකු පවසන විට, එසේ ඇතුළු වූ තැනැත්තා එදින මුළුමණින්ම මගෙන් ආරක්ෂාව ලැබීය යැයි ෂෙයිතාන් පවසයි.