إعدادات العرض
Божјиот пратеник, салаллаху алејхи ве селем, кога влегувал во џамија, изговарал: ,Барам заштита кај Аллах, Величествениот, со Неговото благородно лице и Неговата…
Божјиот пратеник, салаллаху алејхи ве селем, кога влегувал во џамија, изговарал: ,Барам заштита кај Аллах, Величествениот, со Неговото благородно лице и Неговата вечна власт, од проклетиот шејтан.‘
Абдулах бин Амр бин ел Ас, Аллах нека е задоволен со него, раскажува дека „Божјиот пратеник, салаллаху алејхи ве селем, кога влегувал во џамија, изговарал: ,Барам заштита кај Аллах, Величествениот, со Неговото благородно лице и Неговата вечна власт, од проклетиот шејтан.‘ Праша: ,Толку?‘ Реков: ,Да.‘ И додаде: ,Кога ќе го изговори тоа, шејтанот вели: Заштитен е од мене целиот ден.‘“
الترجمة
العربية বাংলা Bosanski English Español فارسی Français Bahasa Indonesia Tagalog Türkçe اردو 中文 हिन्दी ئۇيغۇرچە Hausa Kurdî Português සිංහල Русский অসমীয়া Kiswahili Tiếng Việt አማርኛ ગુજરાતી Nederlands پښتو नेपाली ไทย മലയാളം Кыргызча Română Malagasy Svenska Српски తెలుగు ქართული Moore Magyarالشرح
Божјиот пратеник, салаллаху алејхи ве селем, кога ќе влезел во џамијата, изговарал: „Барам заштита кај Аллах, Величествениот“ – со тоа барам прибежиште и засолниште кај Аллах преку Неговите возвишени атрибути. „Неговото благородно лице“ – лицето на Оној Кој е бескрајно дарежлив и Кој обилно дарува. „И Неговата вечна власт“ – Неговата моќ, надмоќ и сила врз кого сака од Своите созданија. „Вечната“ – која постои отсекогаш и засекогаш. „Од проклетиот шејтан“ – оној што е проклет и оддалечен од Аллаховата милост. Со други зборови: „О Аллах, заштити ме од неговите дошепнувања, заведувања, стапки, мисли и измами, бидејќи тој е причината за заблудата и поттикнувач на гревовите и незнаењето.“ Тогаш го прашале Абдулах бин Амр: „Само ова ли го изговараше Божјиот пратеник, салаллаху алејхи ве селем?“ Тој одговорил: „Да.“ Тој што влегува во џамијата кога ќе ја изговори ова дова, шејтанот вели: „Овој човек се заштити од мене во тек на целото деноноќие.“فوائد الحديث
Вредноста на изговарањето на оваа дова при влегувањето во џамијата се огледа во тоа што го заштитува од шејтанот оној што ја изговара до крајот на денот.
Предупредување од шејтанот и неговата постојана заседа со цел да го заведе и одвлече муслиманот од вистинскиот пат.
Човекот добива заштита од заведувањето и измамите на шејтанот во согласност со степенот на верувањето во Аллах што го носи во срцето, како и искреноста и увереноста со која ја изговара оваа дова, верувајќи во Аллаховото ветување што произлегува од тоа.