إعدادات العرض
kur Profeti ﷺ hynte në xhami, thoshte: “Eudhu bilahil adhim, ve bivexhhihil kerim, ve sultanihil kadim, minesh shejtani err rraxhim (I kërkoj mbrojtje Allahut të Madhërishëm me Fytyrën e Tij Fisnike dhe pushtetin e Tij të lashtë nga shejtani i mallkuar!)”
kur Profeti ﷺ hynte në xhami, thoshte: “Eudhu bilahil adhim, ve bivexhhihil kerim, ve sultanihil kadim, minesh shejtani err rraxhim (I kërkoj mbrojtje Allahut të Madhërishëm me Fytyrën e Tij Fisnike dhe pushtetin e Tij të lashtë nga shejtani i mallkuar!)”
Abdullah ibn Amër ibn Asi (Allahu qoftë i kënqur me të!) tregon se kur Profeti ﷺ hynte në xhami, thoshte: “Eudhu bilahil adhim, ve bivexhhihil kerim, ve sultanihil kadim, minesh shejtani err rraxhim (I kërkoj mbrojtje Allahut të Madhërishëm me Fytyrën e Tij Fisnike dhe pushtetin e Tij të lashtë nga shejtani i mallkuar!)” Më tha: “Vetëm kaq?” - Po, - i thashë. Më tha (se Profeti ﷺ ka thënë): “Kur ta thotë këtë, shejtani thotë: “U mbrojt nga unë për tërë ditën.”
الترجمة
العربية বাংলা Bosanski English Español فارسی Français Bahasa Indonesia Tagalog Türkçe اردو 中文 हिन्दी ئۇيغۇرچە Hausa Kurdî Português සිංහල Русский অসমীয়া Kiswahili Tiếng Việt ગુજરાતી Nederlands پښتو नेपाली മലയാളം Кыргызча Română Svenska Српски తెలుగు ქართული Moore Magyar Македонски Čeština Українська Azərbaycan Wolof Kinyarwanda Malagasy ไทย मराठी ਪੰਜਾਬੀ دری አማርኛ ភាសាខ្មែរ Lietuvių Deutsch ಕನ್ನಡ Oromooالشرح
Kur Profeti ﷺ hynte në xhami, thoshte: “Eudhu bilahil adhim", respektivisht: mbrohem dhe strehohem tek Allahu. "ve bivexhhihil kerim", respektivisht: mbrohem tek Allahu me Fytyrën e Tij fisnike dhe bujare. "ve sultanihi", pra, dominimi, fuqia dhe pushteti i Tij mbi këdo që Ai dëshiron nga krijesat e Tij. "el kadim", pra, i pafillimtë dhe i përhershëm. "mine shejtani rraxhim", pra, shejtani i larguar dhe i dëbuar nga mëshira e Allahut. Pra: "O Allah, më ruaj nga cytja, mashtrimi, hapat, mendimet, joshja dhe lajthitja e tij, sepse ai është shkaktar i devijimit dhe nxitës i humbjes dhe injorancës!" Abdullah ibn Amrit iu tha: "Vetëm kaq?" Pra, a vetëm kaq ka thënë Profeti ﷺ? - Po, - tha ai. Kur ta thotë këtë lutje ai që futet në xhami, atëherë shejtani do të thotë: "Ky që hyri e ka mbrojtur veten nga unë gjatë tërë kohës: gjatë ditës dhe natës."فوائد الحديث
Vlera e lutjes përmes këtij dhikri gjatë hyrjes në xhami, meqë e ruan nga shejtani atë që e thotë pjesën e mbetur të ditës.
Tërheqja e vërejtjes nga shejtani, sepse ai i zë pritë muslimanit për ta lajthitur dhe për ta mashtruar.
Njeriu (besimtar) do të mbrohet nga devijimi dhe mashtrimi i shejtanit në atë masë që zemra e tij i beson Allahut, e jetëson këtë lutje dhe i beson premtimit të Allahut, që rrjedh si shkak i thënies së këtij dhikri.