الشرح

සැබැවින්ම උත්තරීතර අල්ලාහ් දෙවිඳාණන් මළවුන් කෙරෙන් නැගිටුවනු ලබන දිනයේ ජනයා අතර අවම ලෙස දඬුවම් ලබන්නන්හට: “මහපොළොවේ ඇති සියලු දෑ ඔබ සතුව තිබුණේ නම් මෙම දඬුවමින් මිදීමට නුඹ එය වන්දි වශයෙන් පිරිනමන්නෙහි ද?” යැයි විමසයි. එයට ඔහු ‘එසේය’ යැයි පිළිතුරු දෙයි. පසුව උත්තරීතර අල්ලාහ්: ‘නුඹ නුඹේ පියාගේ කොදු ඇට පෙළෙහි සිටියදී මම නුඹෙන් යමක් ඉල්ලුවෙමි. එය මීට වඩා නුඹට පහසු විය. එනම් මට කිසිවක් ආදේශ නොකරනුයි යන ප්රතිඥාව හා ගිවිසුම නුඹ වෙතින් ගනිමිනි. නමුත් නුඹ ඉන් වැළකී සිට, මට ආදේශ කළෙහිය. උත්තරීතර අල්ලාහ් මෙසේ පවසා ඇත. “ආදම්ගේ දරුවන්ගෙන් ඔවුන්ගේ කොඳු නාරටියෙහි ඔවුන්ගේ පරම්පරාව සිටිය දී නුඹේ පරමාධිපති ප්රතිඥාවක් ගෙන, ඔවුන් ඔවුන්ටම සාක්ෂි කරුවන් බවට පත් කර මම නුඹලාගේ පරමාධිපති නොවේ ද යැයි විමසීය. ඔවුහු එසේය, මළවුන් කෙරෙන් නැගිටුවනු ලබන දිනයේ නුඹලා එසේ පැවසීම සම්බන්ධයෙන් අපි සාක්ෂිකරුවන් වෙමු. ඒ ගැන අපි නොසැලකිලිමත් අය ලෙස සිටියෙමු යැයි පවසති.”