الشرح

ਅੱਲਾਹ ਦੇ ਨਬੀ ﷺ ਨੇ ਦੱਸਿਆ ਹੈ ਕਿ ਅੱਲਾਹ ਤਆਲਾ ਇੱਕ ਅਜਿਹੇ ਵਿਅਕਤੀ ਨੂੰ ਕਹੇਗਾ, ਜੋ ਜਹੰਨਮ ਵਿੱਚ ਦਾਖਲ ਹੋਣ ਬਾਅਦ ਸਭ ਤੋਂ ਘੱਟ ਦਰਜੇ ਦੇ ਅਜ਼ਾਬ ਨੂੰ ਸਹਿ ਰਿਹਾ ਹੋਵੇਗਾ: ਜੇਕਰ ਅੱਜ ਤੇਰੇ ਕੋਲ ਦੁਨੀਆ ਅਤੇ ਉਸਦੀ ਸਾਰੀ ਦੌਲਤ ਆ ਜਾਵੇ, ਤਾਂ ਕੀ ਤੂੰ ਇਸ ਅਜ਼ਾਬ ਤੋਂ ਬਚਣ ਲਈ ਇਹ ਸਾਰਾ ਕੁੱਝ ਫਿਦੀਏ (ਰਿਹਾਈ) ਦੇ ਤੌਰ 'ਤੇ ਦੇ ਦੇਵੇਂਗਾ? ਉਹ ਕਹੇਗਾ: ਹਾਂ, ਜ਼ਰੂਰ ਦਿਆਂਗਾ। ਇਹ ਜਵਾਬ ਸੁਣਦੇ ਹੀ ਅੱਲਾਹ ਤਆਲਾ ਕਹੇਗਾ: ਜਦੋਂ ਤੂੰ ਆਦਮ ਦੀ ਪਿੱਠ ਵਿੱਚ ਸੀ ਅਤੇ ਤੈਥੋਂ ਵਚਨ ਲਿਆ ਗਿਆ ਸੀ, ਤਾਂ ਮੈਂ ਤੈਥੋਂ ਇਸ ਤੋਂ ਵੀ ਛੋਟੀ ਚੀਜ਼ ਮੰਗੀ ਸੀ। ਤੈਨੂੰ ਬੱਸ ਇਹੋ ਕਿਹਾ ਸੀ ਕਿ ਕਿਸੇ ਨੂੰ ਮੇਰਾ ਸ਼ਰੀਕ (ਸਾਂਝੀ) ਨਾ ਬਣਾਈਂ। ਲੇਕਿਨ ਤੂੰ ਮੇਰੀ ਇੱਕ ਨਾ ਸੁਣੀ। ਜਦੋਂ ਮੈਂ ਤੈਨੂੰ ਦੁਨੀਆ ਵਿੱਚ ਭੇਜਿਆ, ਤਾਂ ਤੂੰ ਸ਼ਿਰਕ ਦੇ ਰਾਹ 'ਤੇ ਚੱਲ ਪਿਆ।