“អល់ឡោះជាម្ចាស់ទ្រង់មានបន្ទូលទៅកាន់អ្នកដែលទទួលទណ្ឌកម្មស្រាលជាងគេបំផុតក្នុងឋាននរកនាថ្ងៃបរលោកថា៖…

“អល់ឡោះជាម្ចាស់ទ្រង់មានបន្ទូលទៅកាន់អ្នកដែលទទួលទណ្ឌកម្មស្រាលជាងគេបំផុតក្នុងឋាននរកនាថ្ងៃបរលោកថា៖ ប្រសិនបើអ្នកមានអ្វីៗទាំងអស់នៅលើផែនដី តើអ្នកនឹងយកវាមកលោះខ្លួនរបស់អ្នកដែរឬទេ? ជននោះឆ្លើយថា៖ បាទ

អំពី អាណាស ពិន ម៉ាលិក رضي الله عنه អំពីណាពី ﷺ លោកបានមានប្រសាសន៍ថា៖ “អល់ឡោះជាម្ចាស់ទ្រង់មានបន្ទូលទៅកាន់អ្នកដែលទទួលទណ្ឌកម្មស្រាលជាងគេបំផុតក្នុងឋាននរកនាថ្ងៃបរលោកថា៖ ប្រសិនបើអ្នកមានអ្វីៗទាំងអស់នៅលើផែនដី តើអ្នកនឹងយកវាមកលោះខ្លួនរបស់អ្នកដែរឬទេ? ជននោះឆ្លើយថា៖ បាទ។ ទ្រង់បានមានបន្ទូលថា៖ យើងចង់បានពីអ្នកនូវអ្វីដែលតិចតួចជាងនេះទៅទៀតខណៈដែលអ្នកស្ថិតនៅក្នុងឆ្អឹងខ្នងរបស់ណាពីអាហ្ទាំ គឺមិនឱ្យអ្នកធ្វើស្ហ៊ីរិកមកចំពោះយើងឡើយ ប៉ុន្តែអ្នកបានបដិសេធ ហើយបានធ្វើស្ហ៊ីរិកមកចំពោះយើង”។

[صحيح] [متفق عليه]

الشرح

ណាពី ﷺ លោកបានប្រាប់ថា នៅថ្ងៃបរលោក អល់ឡោះជាម្ចាស់ទ្រង់មានបន្ទូលទៅកាន់អ្នកដែលទទួលទណ្ឌកម្មស្រាលជាងគេបំផុតនៅក្នុងឋាននរកបន្ទាប់ពីរូបគេបានចូលទៅក្នុងឋាននរករួចថា៖ ប្រសិនបើលោកិយទាំងមូល និងអ្វីៗទាំងអស់ដែលមាននៅក្នុងវាជាកម្មសិទ្ធិរបស់អ្នក តើអ្នកសុខចិត្តយកវាមកលោះដើម្បីរួចខ្លួនពីទណ្ឌកម្មនេះដែរឬទេ? គេឆ្លើយថា៖ បាទ។ ពេលនោះ អល់ឡោះជាម្ចាស់ទ្រង់មានបន្ទូលថា៖ យើងបានទាមទារពីអ្នក និងបានបញ្ជាអ្នកឲ្យធ្វើរឿងដែលងាយស្រួលជាងនេះទៅទៀតនៅពេលដែលយើងទទួលយកកិច្ចសន្យាពីអ្នក ខណៈដែលអ្នកស្ថិតនៅក្នុងឆ្អឹងខ្នងរបស់ណាពីអាហ្ទាំ គឺមិនឲ្យអ្នកធ្វើស្ហ៊ីរិកមកចំពោះយើងនឹងអ្វីមួយឡើយ។ ប៉ុន្តែអ្នកបានបដិសេធនៅពេលយើងនាំអ្នកមកកាន់លោកិយ ហើយអ្នកបានធ្វើស្ហ៊ីរិក។

فوائد الحديث

ឧត្តមភាពនៃជំនឿលើអល់ឡោះជាម្ចាស់តែមួយ(តាវហេទ) និងភាពងាយស្រួលក្នុងការអនុវត្តវា។

គ្រោះថ្នាក់នៃការស្ហ៊ីរិកចំពោះអល់ឡោះ និងលទ្ធផលចុងក្រោយរបស់វា។

អល់ឡោះជាម្ចាស់បានទទួលយកកិច្ចសន្យាពីកូនចៅអាហ្ទាំខណៈពួកគេស្ថិតនៅក្នុងខ្នងឪពុករបស់ពួកគេ ណាពីអាហ្ទាំ ដោយមិនឱ្យប្រព្រឹត្តអំពើស្ហ៊ីរិកនោះឡើយ។

ព្រមានពីអំពើស្ហ៊ីរិក ហើយពិតណាស់ លោកិយទាំងមូលមិនអាចផ្តល់ជាប្រយោជន៍អ្វីបន្តិចដល់អ្នកគ្មានជំនឿបានឡើយនៅថ្ងៃបរលោក។

التصنيفات

Oneness of Allah's Worship