الشرح

خواى گەورە دەفەرموێت بەو کەسەی کە سوکترین وکەمترین سزا دەدرێت لە ڕۆژی قیامەتدا: ئەگەر هەموو زەوی موڵکی تۆ بوایە، ئایا دەتبەخشی بۆ ئەوەى خۆت ڕزگار بکەیت لەم سزایە؟ دەڵێت: بەڵێ. پەروەردگار دەفەرموێت: داواى شتێکم لێکردیت لەمە کەمتر کاتێک لە بڕبڕەی پشتی باوکت بوویت، پەیمانم لێت وەرگرت کە شیرک وهاوبەشم بۆ بڕیار نەدەیت، بەڵام تۆ پەیمانەکەت بەسەر نەبرد وشیرک وهاوبەشت بۆ من بڕیار دا، خواى گەورە دەفەرموێت: {وَإِذۡ أَخَذَ رَبُّكَ مِنۢ بَنِيٓ ءَادَمَ مِن ظُهُورِهِمۡ ذُرِّيَّتَهُمۡ وَأَشۡهَدَهُمۡ عَلَىٰٓ أَنفُسِهِمۡ أَلَسۡتُ بِرَبِّكُمۡۖ قَالُواْ بَلَىٰ شَهِدۡنَآۚ أَن تَقُولُواْ يَوۡمَ ٱلۡقِيَٰمَةِ إِنَّا كُنَّا عَنۡ هَٰذَا غَٰفِلِينَ}[الأعراف: 172]، واتە: {وکاتێک کە پەروەردگارت وەریگرت (دەری ھێنا) لە پشتی ئادەمیەکان وەچە ونەوەکانیان، وکردنی بە شاهێد بەسەر خۆیانەوە، پێی ووتن: ئایا من پەروەردگاری ئێوە نیم؟ (لە وەڵامدا) ووتیان: بەڵێ شاهێدیماندا، هەتا نەڵێن لە ڕۆژی دواییدا بە ڕاستی ئێمە بێئاگا بووین لەمە (کە خودا پەروەردگارمانە)}.