الشرح

Yónente bi -yal na ko Yàlla dolli xéewal ak mucc- daa na tudd Yàlla ci sikar bii ginnaaw bu sëlmëlee ci julli farata yépp, maanaam mooy: "laa ilaaha illal laahu": manaam amul kenn ku ñuy jaamu cig dëgg ku dul Yàlla. "wahdahu laa sariika lahu" maanaam: moom Yàlla amul bokkaale cig Yàllaam ak ci moomeelam ak ci ay turam ak i meloom. "lahul mulku" maanaam: moo moom nguur ga matale te yaatu, nguurug asamaan yi ak suuf si ak li nekk séen diggante. "wa lahul hamdu" maanaam: mooy ki melowoo ag mat gu sëkk, ki ñuy sant cig mat ngir bëgg ko ak màggal ko ci bépp anam cig mbégte ak ci tiis. "wa Huwa halaa kulli say in Xadiirun" kàttanam lu mat sëkk la ci bépp anam, dara tëwu ko, te benn mbir ci bir yi tëwu ko. "laa hawla wa laa xuwwata illaa bil Laahi" maanaam: deesul juge ci benn melo jëm ci weneen melo, ak ci moy Yàlla jëm ci topp Yàlla, amul it benn kàttan ndare ci ndimbalul Yàlla ndax mooy Dimbalaakoon ba te ci moom la ñuy wakkirlu. "laa ilaaha illal Laahu wa laa nahbudu illa iyyaahu": ak feddali la ci maanaam jaamu ak dàq bokkaale, ak ne moom moo yayoo jaamu wolif lu dul moom. "lahun nihmatu wa lahul fadlu": moom moo bind xéewal yi te moo ko moom, dana ci may ci ngëneelam ku ko soob ci ay jaamam. "wa lahus sanaa-ul hasanu": moo yayoo tagg wu rafet ci jëmmam ak ci ay meloom ak ci ay jëfam ak ay xéewalam, ci bépp anam nag. "laa ilaaha Laaha illal Laahu, muxlisiina lahud diina": maanaam di aji-kennal ko ci lu dul ngistal mbaa ndéggtal ci jaamu Yàlla. "wa law karihal kaafiruuna" maanaam sax ci wéetal Yàlla ak di ko jaamu donte neexul yéefar yi.