الشرح

Mtume jwa Mlungu -chanasa ni utendele wa Mlungu-waji ali mkuwecheta malowe ga ujikape wa Mlungu panyuma pakupeleka Salam pa swala jine jilijose jakanganichisidwa pakamulisya masengo malowe gekulungwa gakumkumbuchila nago Mlungu ga,ngopolelo syakwe syasili: "La ilaha Illa Allah": gopolela kuti pangali jwakuwajilana kupopeleledwa mwa chakuonadi nakaweje Mlungu jikape. "Wahidahu la Sharika lahu" gopolela kuti: pangali jwalijose jwakupwatikana najo Mlungu pakupopeledwa, `1itendo yakwe nambo soni mu mena ni mbili syakwe. "Lahul Mulku" gopolela: uchimwene osope wakwendelechela uli ni jwelejo,uchimwene wakulolela ku maunde ni pasi pa chilambo ni yosope yaikusimanikwa sikati ja maunde ni litaka. "Wa Lahul Hamdu" gopolela kuti: Mlungujo jwakumanyika ni mbili syekwanile syosope,jwakuyamichidwa mwakwanila pakum'nonyela nikumchimbichisya ndawi syosope,ndawi ja mtendele ni ja yakusausya jakwe. "Wa Huwa A'la Kulli Shaini Qadiru" gopolela kuti: ukombosi wakwe uli wakwanila mbali syosope,pangali chikusamlemaga,soni pangali chindu chikusamkanikaga kuchipanganya. "La Haula Wala Quwwata Illa Billah" gopolela kuti: pangali kusinda kwa kawe kamundu kapena chindu,nambo soni kuleka kutenda ya sambi nikutanda kupikanila malamusi ga Mlungujo,namtamuno machili gakutendela chindu,yosope ikusatendekwa mtando wa Mlungu,jwele ni jwakusakamuchisya kuti kalikose katendekwe,mwa jwelejo ni mwakwegamila. "La ilaha Illa Allah, wala Na'budu illa iyyahu": kusimichisya ya ngopolelo sya ujikape wa Mlungu pakupopeleledwa nikana nsambo wakumphwatikanya Mlungu ni ikandu ine,nikuti pangali jwakuwajilana kupopeledwa nakaweje Mlungu jikape. "Lahu Al-Ni'matu walahu Al-Fadhilu": Mlungu ni juwagumbile utendele ni jwakamulile myala mwakwe utendelewo,nakusampaga jwamsachile mwa achikapolo wakwe. "Walahu Al-Thanau Al-Husnu": gopolela kuti: Mlungu jwakuyamichidwa pa ulungu wakwe,mbili syakwe,itendo yakwe,utendele wakwe, ni ndawi syosope. "La ilaha Illa Allah,Mukhliswina Lahu Al-Deen": gopolela kuti: tukamula masengo gosope pakumsangalasya Mlungu,pali pangali ndola,kapena kupikanika pakumkuya Mlungu. "Walau Kariha Al-Kafiruna",:gopolela kuti: tuli wakutamilichika pa chikulupililo cha umo wa Mlungu, ni pakamula masengo gakumsangalasya jwelejo jikape namtamuno wandu wakanila ili ya nyalaisye.