Jële nañu ci Huqbata ibn Aamir yal na ko Yàlla dollee gërëm mu wax ne: dañu doon sàmm ay giléem samag ay ñëw, ma yóbb leen ci ngoon gi, fekk Yonnente Yàlla bi yal na ko Yàlla dolli xéewal ak mucc di waxtaanal nit ñi ma fekk ko muy wax: «amul benn jullit buy jàppu rafetal njàppu mi, daal di jog julli ñaari ràkka, xolam ak jëmmam jublu ca, lu dul ne àjjana war na ci moom" nee na: ma ne: ana lan moo dàq lii, benn waay bu nekk sama kanam daal di ne: ki xolam baax, ma xool rekk Umar di wax naan: gis naa ne leegi nga ñëw, nee na: "amul kenn kuy jàppu jotale njàppu ma -walla matale- njàppu ma, topp mu wax: maa ngi seede ne amul kenn ku ñu war a jaamu ku dul Yàlla, ak ne Muhammat jaamub Yàlla la di ndawam lu dul ne dees na ko ubbil juróom-ñatti bunti àjjana mu dugg ci bu ko soob"».