الشرح

Mtume-chanasa ni utendele wa Mlungu iwe pa jwelejo-waji chitamile sikati ja wakulijiganya wakwe,ni wawechete kuti: ndawi aji ndi ndawi jakutyosyedwa isyomo(majiganyo)mwa wandu. Ni Ziyad mwanache jwa Labid Al-Ansariy-Mlungu asangalale najo -wam'busisye Mtume-chanasa ni utendele wa Mlungu iwe pa jwelejo -kuti: Ni wawechete kuti: isyomo(majiganyo)tiyityosyedwa chinauli ni kusokonechela sikati jetu?kutendaga kuti chituwa Qur'an tukuwalanga ni kujijinjisyaga;nditu tukumlumbilila Mlungu,uwe tujiwalanjeje Qur'anjo, nikwajiganyaga soni achiwamkwetu ,wanache wetu , ni wanache wa wanache wetu,kuti ajiwalanjeje Qur'anjo. Mtume-chanasa ni utendele wa Mlungu iwe pa jwelejo-wawechete mwakusimonga kuti: ansowe mamawenu m'mwe Ziadi! une namyikaga m'mwejo kuwa mugulu ja wandu walijiganye waku madina kuno Kaneko Mtume-chanasa ni utendele wa Mlungu ijaule kwa jwalakwejo-walongoswele kuti: kutyoka kwa isyomo(majiganyo)ngaikugopolela kutyoka kwa Qur'an;nambo kuti yaigopolela pakutyoka kwa majiganyo,ni kuleka kamulisya masengo majiganyogo. Mtume-chanasa ni utendele wa Mlunguniwe pa jwelejo-wamsalile Ziyad-Mlungu asangalale najo-kuti: mlole mabuku ga chipangano chakala(Tora) ni cha sampano(Baibulo) gagatumisidwe kwa Ayuda ni Akilisitu;namtamuno mabukugo gapali,pangali chigakamuchisye kuti awe wakongoka,ni nganapindula ni chakulinga chachatumichisidwile mabuku gawiligo; kwakuli kamulisya masengo ikandu yawaimanyi kutyochela m'mabukuko.