فوائد الحديث

ইবনুল কায়্যিম ৰাহিমাহুল্লাহে কৈছেঃ সকলো ধৰণৰ গুনাহৰ পৰা ক্ষমা প্ৰাৰ্থনা কৰিব লাগে, সৰু হওক বা ডাঙৰ, প্ৰকাশ্য হওক বা অপ্ৰকাশ্য, আগৰ হওক বা পিছৰ, মুঠতে বান্দাই যি গুনাহ সম্পৰ্কে নিজে জানে আৰু যিটোৰ বিষয়ে সি নাজানে, সেই সকলো প্ৰকাৰ গুনাহৰ পৰা তাওবা কৰিব লাগে।

কোৱা হৈছে যে, ডাঙৰ গুনাহৰ আগত সৰু গুনাহৰ কথা প্ৰথমে উল্লেখ কৰাৰ কাৰণ হৈছে, সাধাৰণতে মানুহে কিবা সুধিলে সৰুৰ পৰা লাহে লাহে ওপৰলৈ যায়। লগতে এইটোও এটা কাৰণ যে, সৰু গুনাহৰ ওপৰত অটল থকাৰ কাৰণে আৰু ইয়াক আওকাণ কৰাৰ কাৰণেই ডাঙৰ গুনাহ হয়। এতেকে সৰু গুনাহ হৈছে ডাঙৰ গুনাহৰ অন্যতম এটা মাধ্যম। এইকাৰণে প্ৰথমে মাধ্যমটোৰ কথা উল্লেখ কৰি ইয়াক নিৰ্মূল কৰাৰ কথা কোৱা হৈছে।

গুনাহ সৰু হওক বা ডাঙৰ, সকলো প্ৰকাৰ গুনাহৰ পৰা আল্লাহৰ ওচৰত কাকূতি মিনতি কৰি ক্ষমা প্ৰাৰ্থনা কৰিব লাগে।

ইমাম নাৱাৱীয়ে কৈছেঃ ইয়াত দুআ কৰিবলৈ গুৰুত্ব প্ৰদান কৰা হৈছে, তথা অধিক শব্দৰ জৰিয়তে দুআ কৰিবলৈ শিকাইছে, যদিও কম শব্দতে সেয়া প্ৰকাশ হয়।