فوائد الحديث

নবী চাল্লাল্লাহু আলাইহি অছাল্লামো মহান আল্লাহৰ মুখাপেক্ষী আছিল।

এই আশ্ৰয় প্ৰাৰ্থনাৰ ভিতৰত অন্তৰ্ভুক্ত আছেঃ নিয়ামতৰ চুকৰিয়া আদায় কৰাৰ তাওফীক, গুনাহ তথা পাপকৰ্মৰ পৰা সংৰক্ষণ। কাৰণ নিয়ামতৰ চুকৰিয়া আদায় নকৰিলে আৰু গুনাহত পতিত হ'লে নিয়ামত বন্ধ হৈ যায়।

যিবোৰ বিষয়ত আল্লাহ অসন্তুষ্ট হয়, তেনেকুৱা বিষয়ৰ পৰা আঁতৰি থকাৰ ক্ষেত্ৰত আগ্ৰহী হোৱা উচিত।

নবী চাল্লাল্লাহু আলাইহি অছাল্লামে হঠাৎ অহা বিপদ-আপদৰ পৰা আল্লাহৰ আশ্ৰয় প্ৰাৰ্থনা কৰিছে। কাৰণ আল্লাহে যেতিয়া কোনো বান্দাৰ পৰা প্ৰতিশোধ লয় তেতিয়া তাক এনেকুৱা বিপদ-আপদ দিয়ে, যিটোক সি প্ৰতিৰোধ কৰিব নোৱাৰে। আনকি গোটেই সৃষ্টিজগত একত্ৰিত হৈয়ো সেইটোক প্ৰতিৰোধ কৰিব নোৱাৰে।

নবী চাল্লাল্লাহু আলাইহি অছাল্লামে নিৰাপত্তা পৰিবৰ্তনৰ পৰাও আশ্ৰয় প্ৰাৰ্থনা কৰিছে। কাৰণ যাক আল্লাহে নিৰাপত্তা আৰু সুস্থতা প্ৰদান কৰিছে, তাক আল্লাহে উভয় জগতৰ কল্যাণ প্ৰদান কৰিছে। কিন্তু যদি এই নিৰাপত্তা আৰু সুস্থতা কাঢ়ি নিয়া হয় তেন্তে সি উভয় জগততে অনিষ্টতাৰ সন্মুখীন হ'ব। কাৰণ নিৰপত্তা আৰু সুস্থতাৰ মাজতে আছে দ্বীন আৰু দুনিয়াৰ কল্যাণ।