إعدادات العرض
M Soab A Wẽnde, m kot-F-la gũudum n yi Fo neemã wã wa gõbg n bas-ma la Fo laafɩ wã wa wẽnems m bas-ma, la Fo sɩbgrã lingri, la Fo gẽegã fãa
M Soab A Wẽnde, m kot-F-la gũudum n yi Fo neemã wã wa gõbg n bas-ma la Fo laafɩ wã wa wẽnems m bas-ma, la Fo sɩbgrã lingri, la Fo gẽegã fãa
Yii a ʿAbdʋllaah ɭbn ʿƲmar nengẽ, (Wẽnd yard be b yiibã yĩnga), a yeelame: rag n bee Wẽnd Tẽn-tʋʋmã kosgã pʋgẽ, (Wẽnd pʋʋsg la A tɩlgr be a yĩngɑ): «M Soab A Wẽnde, m kot-F-la gũudum n yi Fo neemã wã wa gõbg n bas-ma la Fo laafɩ wã wa wẽnems m bas-ma, la Fo sɩbgrã lingri, la Fo gẽegã fãa».
الترجمة
العربية বাংলা Bosanski English Español فارسی Français Bahasa Indonesia Tagalog Türkçe اردو 中文 हिन्दी Tiếng Việt සිංහල Hausa Kurdî Português தமிழ் Русский Nederlands অসমীয়া Kiswahili ગુજરાતી پښتو አማርኛ ไทย Oromoo Română മലയാളം Deutsch नेपाली ქართული Кыргызча Magyar తెలుగుالشرح
Nabiyaamã (Wẽnd pʋʋsg la A tɩlgr be a yĩngɑ) kosa gũudum n yi yεl a naase: Rẽenemã: (M Soab A Wẽnde, m kot-F-la gũudum n yi Fo neemã wã wa gõbg n bas-ma) sẽn yaa dĩini la dũni, tɩ m tablg m meng ne lɩslaangã la m zãag m meng ne lʋɩ Wẽnd kɩɩsg pʋgẽ sẽn yẽesd neemã wã. Yiib soabã: (la n yi Fo laafɩ wã wa wẽnemse) ne Fo sẽn na n toeem-a n kẽng baollego, rẽnd m kot-F lame tɩ F duum m laafɩ wã, la m tɩlg n yi nangã la bãasã. Tãab soabã: (la n yi Fo sɩbgrã lingri) zem tɩ yaa ballego maa Wẽnd kɩɩsgo, rẽnd nangã la sɩbgrã sã n ling n wa, wakat ka leb n be n tõe n maan tuubg la paam n maneg ye, tɩ rẽnda masɩɩbã keelem n yɩɩde. Naas soabã: (la n yi Fo gẽegã fãa) la sabab nins sẽn maand tɩ Fo gẽegã yɩ wã, ad Foom Wẽnd sẽn gẽ a soaba, a bõn yã la a konge. La Nabiyaamã (Wẽnd pʋʋsg la A tɩlgr be a yĩngɑ) waa ne gom-bil sẽn tigme sẽn na yɩl tɩ gũbg Wẽnd gẽegã sabab-rãmbã gilli (A Naam yɩlg n zẽke) sẽn yaa gomã la tʋʋmã la loeesã.فوائد الحديث
Nabiyaamã (Wẽnd pʋʋsg la A tɩlgr be a yĩngɑ) sẽn tar tʋlsem n tʋg a Soabã nengẽ (A Naam zẽk yã).
La kos gũudum-kãngã a gũbga sẽn tara barkã a tigma: paam segl sõng n pʋʋs neemã wã barka, la f gũus f menga n ra lʋɩ Wẽnd kɩɩsg pʋgẽ ye; bala a yẽesda neemã wã.
Yaa maan nonglem n zãag zĩig ning Wẽnd sẽn gẽ wã, (A Naam zẽk yã).
Nabiyaamã (Wẽnd pʋʋsg la A tɩlgr be a yĩngɑ) kosa gũudum n yi Wẽnd sɩbgrã lingri (A Naam zẽk yã), bala A sã n na n nams yamba, rẽnd masɩɩb a sẽn pa tõe n tus-a n sig a zug, pa tõe tus-a me ne bõn-naandsã sõgre ye, baa tɩ b fãa tigim taaba.
Nabiyaamã (Wẽnd pʋʋsg la A tɩlgr be a yĩngɑ) sẽn kos gũudum n yi Wẽnd sẽn kõ laafɩ wã toeengo, (A Naam yɩlg n zẽke); bala Wẽnd sã n kõ-a laafɩ, rẽnd a paama dũni la laahɩr pʋɩɩre, la a sã n wẽnems n bas-a, ad b sɩbg-a ne dũni la laahɩr wẽnga, bala laafɩ paoongo dĩinã ne dũni wã manegr be ne rẽ.
التصنيفات
Reported Supplications