الشرح

Kira ye hɛɛrɛ sarankanikan di silamɛ ma a silamɛɲɔgɔn ka koɲɛ la, a ye dɔw bange a ye min bɛ diyagoya a kan ani ladabu o n'a ɲɔgɔnnaw; o dɔ ye: Sarakanni kan fɔlɔ: aw kana ɲɔgɔn hasidiya, dɔ ka dɔ ka nɛɛma wilili nàta. A filanan: aw kana gɛlɛya kɛ ɲɔgɔn kan feere nàsira fɛ, ka dɔ fara dɔ ka feerefɛn sɔngɔ kan k'a sɔrɔ a le yɛrɛ màgo t'a la; yaasa ka feerelikɛla nàfa, wali ka feerefɛn sanbaa tɔrɔ. A sabanan: aw kana ɲɔgɔn dimiɲɔgɔnya, o ye tɔɔrɔ laɲinin de ye kànun tàna; fo n'a y'a sɔrɔ dimi n kɛra Alakɔrɔtalen kama; a bɛ kɛ waajibi ye. A naaninan: aw kana aw kɔ don ɲɔgɔn na, dɔ ka n'a kɔsin k'a kɔ don a balima la k'a da tigɛ a la. A duurunan: aw dɔlakelen ka na feere kɛ dɔ ka feere kan, a k'i kanto mɔgɔ ma min ye sànnifɛn dɔ san: a ɲɔgɔn bɛ ne bolo min sɔngɔ ka nɔgɔn wali a kaɲi n'a ye. O kɔfɛ a ye bakuruba sarankanikan dɔ di a ko: a ye kɛ i ko balimamaw ni fɛn toli ye aw bàlila min na, aw kaw cɛsiri ɲɔgɔnkànun ni nɔgɔya ni hinɛ ni ɲɔgɔndɛmɛ la hɛɛrɛkow la, aw dusukun jɛlen ani ladilikanw lahalaya bɛɛ la. Ni balimaya n kɔrɔ bɛ tàli kɛ: Kana i balima silamɛ tɔɲɔ ka dantɛmɛ a kan. A kana a balima silamɛ to tɔɲɔ kɔnɔ k'a dɔgɔya yɔrɔ la a bɛ sɛ k'a dɛmɛ yɔrɔ min, ka tɔɲɔ wili ka bɔ a kan. A kana a mafiyɛnya k'a to a kɛlɛn na k'a lajɛ ni dɔgɔyalima ni mafiyɛnya ɲɛ ye; o ye yɛrɛbonya de ye dusukun na. O kɔfɛ kira y'a bange an ye nɛɛma ni kisi b'a ye siyɛn sàba k'a fɔ alaɲɛsiraɲɛ bɛ dusukun de la, ni alaɲɛsiraɲɛ kɛra mɔgɔ min dusukun na k'a fàrà jogoɲuman kan, k'a limaniya Ala ka kɔlɔsilli la o tɛ silamɛ dɔgɔya, a wasara juguma ni jogojuguya ye a k'a balima silamɛ dɔgɔya; ka sanga yɛrɛbonya ma a dusukun na. O kɔfɛ kira y'a dɔgɛlɛya kisi b'a ye ka tɛmɛ ko ni kelenkelen bɛɛ ye haramu ye silamɛ la a silamɛ ɲɔgɔn kan: a jòli: ka dan tɛmɛ a kan ni fàgàli ye wali o dugumataw i n'a fɔ jogini wali bugɔli o n'a ɲɔgɔnnaw, o cogoyala a ka nafolo: a ka fɛn minɛ a la k'a sɔrɔ a ma kɛ ni tuɲa ye, o cogoya la a dànbe: a k'a dɔgɔya wali k'a mankutu lagosi.