الشرح

ណាពី ﷺ លោកបានបញ្ជាក់ថា ជាការពិតណាស់ ពេលវេលាដែលខ្ញុំបម្រើអល់ឡោះនៅជិតនឹងម្ចាស់របស់ខ្លួនជាងគេ គឺក្នុងពេលដែលគេកំពុងតែស៊ូជោត។ នោះក៏ព្រោះតែក្នុងពេលស៊ូជោ អ្នកសឡាតបានដាក់សរីរាង្គដែលខ្ពង់ខ្ពង់ និងឧត្តុង្គឧត្តមជាងគេបំផុតរបស់ខ្លួនក្រាបដល់ដីដោយភាពឱនលំទោន និងបន្ទាបខ្លួនចំពោះអល់ឡោះជាម្ចាស់។ ហើយពិតណាស់ ណាពី ﷺ លោកបានបង្គាប់ប្រើឲ្យបង្កើននូវបួងសួងឲ្យបានច្រើនក្នុងពេលស៊ូជោត ដោយគេប្រមូលផ្តុំក្នុងពេលស៊ូជោតនោះនូវភាពឱនលំទោន និងបន្ទាបខ្លួនចំពោះអល់ឡោះទាំងពាក្យសម្តី និងកាយវិការ។