إعدادات العرض
((مهتهلا وی كهسێ ل دهڤ سنوورێن خودێ ڕادوهستیت و وان سنووران نابهزینیت و وی كهسێ سنوورێن خودێ دبهزینیت، وهكی مهتهلا هندهك مرۆڤایه چووینه د…
((مهتهلا وی كهسێ ل دهڤ سنوورێن خودێ ڕادوهستیت و وان سنووران نابهزینیت و وی كهسێ سنوورێن خودێ دبهزینیت، وهكی مهتهلا هندهك مرۆڤایه چووینه د كهشتییهكێدا و ب ڕێكا پشك كێشانێ هندهك چووینه سهر بانێ وێ و هندهكێن دی بنێ وێ بوویه بارا وان
نوعمانێ كوڕێ بهشیری (خودێ ژ ههردووكان ڕازی بیت) دبێژیت: پێغهمبهری (صهلات و سهلامێن خودێ ل سهر بن) گۆت: ((مهتهلا وی كهسێ ل دهڤ سنوورێن خودێ ڕادوهستیت و وان سنووران نابهزینیت و وی كهسێ سنوورێن خودێ دبهزینیت، وهكی مهتهلا هندهك مرۆڤایه چووینه د كهشتییهكێدا و ب ڕێكا پشك كێشانێ هندهك چووینه سهر بانێ وێ و هندهكێن دی بنێ وێ بوویه بارا وان، ڤێجا ئهوێن ل خوارێ ههر گاڤا پێدڤی ب ئاڤێ بان؛ دا ب ڕهخ یێن سهر خۆدا دهربازبن، پاشی دا بێژن: ئهگهر ل جهێ ئهم هنده نهخۆشییێ بۆ یێن د سهر خۆدا چێدكهین و وان بێزار دكهین؛ كونهكێ ژ بارا خۆ ل كهشتییێ بكهین باشتره، ل ڤێرێ ئهگهر ئهوێن ل سهری ڕێ ب واندا وێ كونێ ل كهشتییێ بكهن؛ وی دهمی ههمی دێ ژ ناڤچن، بهلێ ئهگهر دهستێ وان گرت و نههێلا ئهو وی كاری بكهن؛ هنگی ههمی دێ ڕزگاربن)).
الترجمة
العربية বাংলা Bosanski English Español فارسی Français Indonesia Tagalog Türkçe اردو 中文 हिन्दी Hausa Kurdî Kiswahili Português සිංහල Русский Svenska Čeština ગુજરાતી Yorùbá ئۇيغۇرچە Tiếng Việt پښتو অসমীয়া دری Кыргызча or नेपाली Kinyarwanda తెలుగు Lietuvių Română മലയാളം Nederlands Soomaali Српски Українська Deutsch ಕನ್ನಡ Wolof Moore Shqip ქართული Azərbaycan Magyar தமிழ் Македонски မြန်မာ አማርኛ Malagasy Oromoo ไทย मराठी ਪੰਜਾਬੀ O‘zbek ភាសាខ្មែរالشرح
پێغهمبهری (صهلات و سهلامێن خودێ ل سهر بن) مهتهلهك و نموونهیهك ئینا ل سهر وان كهسێن ل سهر سنوورێن خودێ ڕادوهستن و ل سهر ڕێكا خودێ و دینێ وی ڕاست دبن، ئهوێن فهرمانێ ب باشییێ دكهن و پاشڤهبرنێ ژ خرابییێ دكهن، و ل سهر وان كهسێن دكهڤنه د ناڤ سنوورێن خودێدا و سهرپێچییا فهرمانان دكهن و كریارێن خراب ئهنجام ددهن، و كا كارتێكرنا ڤێ چهندێ چییه ل سهر ڕزگاربوونا جڤاكی. ڤێجا نموونه ئینا و دیاركر كو مهتهلا وان وهكی مهتهلا هندهك مرۆڤایه چووینه د كهشتییهكێدا و ب ڕێكا پشك كێشانێ هندهك چووینه سهر بانێ وێ و هندهكێن دی بنێ وێ بوویه بارا وان، ڤێجا ئهوێن ل خوارێ ههر گاڤا پێدڤی ب ئاڤێ بان؛ دا ب ڕهخ یێن سهر خۆدا دهربازبن، پاشی ئهوێن ل خوارێ گۆتن: ئهگهر ئهم كونهكێ بۆ خۆ ل ڤی جهێ خۆ بكهین و ئاڤێ بۆ خۆ ژێ بكێشین باشتره، دا نهخۆشییێ بۆ یێن د سهر خۆدا چێنهكهین و وان بێزار نهكهین؛ ل ڤێرێ ئهگهر ئهوێن ل سهری ڕێ ب واندا وێ كونێ ل كهشتییێ بكهن؛ وی دهمی ههمی دێ ژ ناڤچن، بهلێ ئهگهر دهستێ وان گرت و نههێلا ئهو وی كاری بكهن؛ هنگی ههمی دێ ڕزگاربن.فوائد الحديث
گرنگییا فهرمانكرنێ ب باشییێ و پاشڤهبرنا ژ خرابییێ بۆ پاراستنا جڤاكی و ڕزگاربوونا وی.
ژ ڕێكێن فێركرنێ؛ ئینانا نموونه و مهتهلانه، دا كو ب ڕهنگهكێ ههستیاری ڕامان بۆ ئهقلی بهێنه نێزیككرن و پتر تێبگههیت.
ئهنجامدانا كارهكێ خراب ب ئاشكهرایی و بێدهنگبوون ل ههمبهری وێ؛ زیانهكا گشتییه و خرابییا وێ دێ ب سهر ههمییاندا هێت.
ژناڤچوونا جڤاكی یا گرێداییه ب هندێڤه مرۆڤ ڕێكێ ل بهر وان كهسان نهگریت یێن خرابیێ د ئهردیدا دكهن.
كریار و ڕهفتارا خهلهت خۆ ئهگهر مهرهم پێ باشی ژی بیت، ناچیته د خانهیا كریارێن باشدا.
بهرپرسیارییا جڤاكێ موسلمان بهرپرسیارییهكا گشتییه و ناكهڤیته سهر ملێ كهسهكێ ب تنێ.
سزادانا گشتی ب سهر خهلكیدا دهێت ژ بهر گونههێن كهسێن دی ئهگهر ڕێگری لێ نههێته كرن.
خودانێن كریارێن خراب، خرابییا خۆ د قالبێ باشییێدا نیشا جڤاكی ددهن، ههروهكی مونافقان.