إعدادات العرض
((پێدڤییه ل سهر ههر موسلمانهكی كو د ههر حهفت ڕۆژاندا ڕۆژهكێ خۆ بشۆت، و د وێ ڕۆژێدا سهرێ خۆ و لهشێ خۆ ههمییێ بشۆت))
((پێدڤییه ل سهر ههر موسلمانهكی كو د ههر حهفت ڕۆژاندا ڕۆژهكێ خۆ بشۆت، و د وێ ڕۆژێدا سهرێ خۆ و لهشێ خۆ ههمییێ بشۆت))
ئهبو هورهیره (خودێ ژێ ڕازی بیت) دبێژیت: پێغهمبهرێ خودێ (صهلات و سهلامێن خودێ ل سهر بن) گۆت: ((پێدڤییه ل سهر ههر موسلمانهكی كو د ههر حهفت ڕۆژاندا ڕۆژهكێ خۆ بشۆت، و د وێ ڕۆژێدا سهرێ خۆ و لهشێ خۆ ههمییێ بشۆت)).
[صحيح] [متفق عليه]
الترجمة
العربية English မြန်မာ Svenska Čeština ગુજરાતી Yorùbá Nederlands اردو Indonesia ئۇيغۇرچە বাংলা සිංහල हिन्दी Tiếng Việt Hausa తెలుగు Kiswahili پښتو অসমীয়া دری Кыргызча Lietuvių Kinyarwanda नेपाली മലയാളം Bosanski ಕನ್ನಡ Kurdî Română Soomaali Shqip Српски Українська Wolof Tagalog Moore தமிழ் Azərbaycan فارسی ქართული 中文 Magyar Português Deutsch Русский Македонски Bambara አማርኛ Malagasy Oromoo ភាសាខ្មែរ ไทย मराठी ਪੰਜਾਬੀ Türkçe Italiano O‘zbek Español 日本語الشرح
پێغهمبهرێ خودێ (صهلات و سهلامێن خودێ ل سهر بن) ڕاگههاند: كو مافهكێ مۆكم و پشتڕاسته ل سهر ههر موسلمانهكێ پێگههشتی و خودان ئهقڵ كو د ههر حهفت ڕۆژێن حهفتییێدا ڕۆژهكێ سهرێ خۆ بشۆت، ڤێجا د وێ ڕۆژێدا سهرێ خۆ و لهشێ خۆ پاقژ بكەت، دا كو ههردهم یێ پاقژ بیت و باشترین ڕۆژ ژی بۆ ڤێ چهندێ ڕۆژا ئهینییێیه، وهكی د هندهك ڤهگوهاستنێن دیدا هاتی، و خۆشویشتن ل ڕۆژا ئهینییێ بهری نڤێژێ سوننهتهكا بهێز و پشتڕاستكرییه، خۆ ئهگهر ل ڕۆژا پێنجشهمبییێ ژی سهرێ خۆ شویشتبیت. ئهو تشتێ ڤێ فهرمانێ ژ واجببوونێ دگوهۆڕیت بۆ سوننهتبوونێ؛ گۆتنا دایكا مه عائیشایێیه (خودێ ژێ ڕازی بیت) دهمێ گۆتی: ((خهلك خودان كار بوون و دهمێ دچوونه نڤێژا ئهینییێ ب وێ ڕهوشا خۆ (ل سهر كاری) دچوون، ڤێجا بۆ وان هاته گۆتن: خۆزی ههوه سهرێ خۆ شویشتبا)) بۆخاری ڤێ فهرموودهیێ ڤهدگوهێزیت، د ڤهگوهاستنهكا دی یا ویدا هاتییه: ((بێهن ژ وان دهاتن))، ئانكو: بێهنا خۆهێ و یێن وهكی وێ ژ وان دهات، د گهل ڤێ چهندێ ژی ب وان هاته گۆتن: خۆزی ههوه سهرێ خۆ شویشتبا))، ڤێجا كهسێن دی هێشتا ژ ههژیتره بۆ وان ئهو سهرێ خۆ بشوون.فوائد الحديث
گرنگیدانا ئیسلامێ ب پاقژییێ و خۆشویشتنێ.
خۆشویشتن ل ڕۆژا ئهینییێ سوننهتهكا بهێز و پشتڕاستكرییه بۆ نڤێژێ.
بەحسکرنا سەری ب ڕەنگەکێ تایبەت، هەر چەندە بەحسکرنا لەشی سەر ژی دکەڤیتە د بنڤە، ئەڤە ژی بۆ گرنگیدانێیە ب سەری.
خۆشویشتن واجب دبیت ل سهر ههر كهسهكێ بێهنهكا خراب و نهخۆش ژێ بهێت كو ببیته ئهگهرێ بێزاركرنا خهلكی.
باشترین ڕۆژ بۆ خۆشویشتنێ ڕۆژا ئهینییێیه ژ بهر قهدر و بهایێ وێ.