إعدادات العرض
Силерден мурдагылардын жолун изме-из, карышма-карыш ээрчийсиңер
Силерден мурдагылардын жолун изме-из, карышма-карыш ээрчийсиңер
Абу Саид ал-Худри (ага Аллах ыраазы болсун) айтат: Аллахтын элчиси (ага Аллахтын тынчтыгы жана мактоосу болсун) минтип айткан: "Силерден мурдагылардын жолун изме-из, карышма-карыш ээрчийсиңер. Атүгүл, алар кескелдириктин ийнине кирсе, силер да аларды ээрчип киресиңер". Биз: О, Аллахтын элчиси, сиз жөөттөр менен христиандарды айтып жатасызбы? - деп сурадык. Ал: "Алардан башка кимди айтмак элем?!" - деди.
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी ئۇيغۇرچە Hausa Kurdî Kiswahili Português සිංහල دری অসমীয়া ไทย Tiếng Việt አማርኛ Svenska Yorùbá ગુજરાતી नेपाली Oromoo മലയാളം Română Nederlands Soomaali پښتو తెలుగు Kinyarwanda ಕನ್ನಡ Malagasyالشرح
Пайгамбарыбыз (ага Аллахтын тынчтыгы жана мактоосу болсун) анын заманынан кийин келе турган үммөтүнүн кээ биринин абалын сүрөттөгөн. Алар жөөттөр менен христиандардын акыйда-ишенимин, кылган иш-аракеттерин, адаттарын, каада-салттарын дал ошолордой кылып изме-из, карышына-карыш ээрчишет. Атүгүл, алар кескелдириктин ийинине кирип кетишсе, алардын артынан ээрчип булар да киришет.فوائد الحديث
Бул пайгамбардын пайгамбарлык белгилеринин бири. Анткени буларды ал боло элегинде айткан. Кийин дал ошондой болду.
Мусулмандарга каапырларды алардын акыйдасында болобу, ибадатында болобу, майрамдарында болобу же өздөрүнө тиешелүү иштеринде болобу, ээрчүүгө тыюу салынган.
Маанилүү жагынан айтылган иштерди материалдык нерселер менен салыштырып түшүндүрүү Ислам таалиминин ыкмаларынын бири.
Добб (шипохвост, кескелдирик): ийни өтө тар, жыты жагымсыз жаныбар. Чөлдө көп кездешет. Анын ийинин мисал кылганы: анын өтө тардыгы жана жагымсыздыгы үчүн. Ошого карабай, алардын изи менен басып, жолу менен жүрүшөт. Ушул сыяктуу тар, жагымсыз жерге киришсе, алардын артынан киришет. Алла Өзү сактасын.
التصنيفات
Тыюу салынган окшоштуруулар