അബ്ബാസ് ബ്നു അബ്ദിൽ മുത്തലിബ് (رضي الله عنه) പറയുന്നു: ഞാൻ ചോദിച്ചു: അല്ലാഹുവിൻ്റെ റസൂലേ, അല്ലാഹുവിനോട് ചോദിക്കേണ്ട വല്ലതും താങ്കൾ എനിക്ക് പഠിപ്പിച്ചു തന്നാലും. അവിടുന്ന് ﷺ പറഞ്ഞു: "നിങ്ങൾ അല്ലാഹുവിനോട് സൗഖ്യം (ആഫിയത്) ചോദിച്ചുകൊള്ളുക." അങ്ങനെ കുറച്ചുനാളുകൾ കഴിച്ചുകൂട്ടിയതിനു ശേഷം പിന്നെയും ചെന്ന് ഞാൻ ചോദിച്ചു: അല്ലാഹുവിൻ്റെ റസൂലേ, അല്ലാഹുവിനോട് ചോദിക്കേണ്ട വല്ലതും താങ്കൾ എനിക്ക് പഠിപ്പിച്ചു തന്നാലും. അവിടുന്ന് ﷺ എന്നോട് പറഞ്ഞു: "ഓ അബ്ബാസ്, ഓ, അല്ലാഹുവിൻ്റെ റസൂലിൻ്റെ പിതൃവ്യാ, അല്ലാഹുവിനോട് ഈ ലോകത്തിലും പരലോകത്തിലും നിങ്ങൾ സൗഖ്യം (ആഫിയത്) ചോദിച്ചുകൊള്ളുക."