അബൂ സഈദ് അൽ ഖുദ്രി (റ)വിൽ നിന്നും, അദ്ദേഹം പറഞ്ഞു:മുആവിയ(റ) പള്ളിയിലുള്ള ഒരു സദസിനരികിലൂടെ പുറപ്പെട്ടു, അപ്പോൾ അദ്ദേഹം ചോദിച്ചു: എന്ത് കാര്യമാണ് നിങ്ങളെ ഇങ്ങനെ ഇരുത്തിയത്? അവർ പറഞ്ഞു: ഞങ്ങൾ അല്ലാഹുവിനെ സ്മരിക്കാൻ വേണ്ടിയാണ് ഇരുന്നത്, അപ്പോൾ അദ്ദേഹം ചോദിച്ചു : അല്ലാഹുവാണെ, നിങ്ങൾ അതിനു വേണ്ടി മാത്രം ഇരുന്നതാണോ? അവർ പറഞ്ഞു: ഞങ്ങൾ അതിനു വേണ്ടി മാത്രം ഇരുന്നാണ്, അദ്ദേഹം പറഞ്ഞു: എന്നാൽ ഞാൻ നിങ്ങളിൽ സംശയം പ്രകടിപ്പിച്ച് നിങ്ങളെ കൊണ്ട് സത്യം ചെയ്യിക്കുന്നില്ല, (ശേഷം അദ്ദേഹം തുടർന്നു) റസൂൽ(സ) യുടെ അടുക്കൽ എന്റെയത്ര സ്ഥാനമുള്ളവരിൽ അദ്ദേഹത്തിൽ നിന്നും എന്നേക്കാൾ കുറവ് ഹദീസുകൾ ഉദ്ദരിച്ചവർ വേറെയുണ്ടാകില്ല: നിശ്ചയമായും റസൂൽ(സ) പള്ളിയിലുള്ള ഒരു സദസിനരികിലൂടെ പുറപ്പെട്ടു, അപ്പോൾ അദ്ദേഹം ചോദിച്ചു: <<എന്ത് കാര്യമാണ് നിങ്ങളെ ഇങ്ങനെ ഇരുത്തിയത്?>> അവർ പറഞ്ഞു: അല്ലാഹുവിനെ സ്മരിക്കാനും ഇസ്ലാമിലേക്ക് മാർഗ ദർശനം നൽകിയതിനും അത് (ഇസ്ലാം) മുഖേനെ ഞങ്ങളെ അനുഗ്രഹിച്ചതിന് അവനെ സ്തുതിക്കാനുമാണ് ഞങ്ങൾ ഇരുന്നത്, അദ്ദേഹം ചോദിച്ചു : <<അല്ലാഹുവാണെ, നിങ്ങൾ അതിനു വേണ്ടി മാത്രം ഇരുന്നതാണോ?>> അവർ പറഞ്ഞു: അല്ലാഹുവാണെ, ഞങ്ങൾ അതിനു വേണ്ടി മാത്രം ഇരുന്നാണ്, അദ്ദേഹം പറഞ്ഞു: <<എന്നാൽ ഞാൻ നിങ്ങളിൽ സംശയം പ്രകടിപ്പിച്ച് നിങ്ങളെ കൊണ്ട് സത്യം ചെയ്യിക്കുന്നില്ല, കാരണമെന്തെന്നാൽ എന്നിലേക്ക് ജിബ്രീൽ (അ) ആഗതനാവുകയും നിങ്ങളെ കുറിച്ച് മലക്കുകളോട് അല്ലാഹു പുകഴ്ത്തുന്നുണ്ടെന്നു അറിയിക്കുകയുംചെയ്തിരിക്കുന്നു >>