إعدادات العرض
Мен сизларга туҳмат қилиб қасам бермадим. Лекин менга Жаброил (алайҳиссалом) келиб, Аллоҳ таоло сизлар билан фаришталарига фахрланаётганининг хабарини берди»,…
Мен сизларга туҳмат қилиб қасам бермадим. Лекин менга Жаброил (алайҳиссалом) келиб, Аллоҳ таоло сизлар билан фаришталарига фахрланаётганининг хабарини берди», дедилар», деб айтдилар
масжиддаги (зикр) халқаларидан бирига чиқиб: «Сизларни бундай ўтиришга нима нарса ундади?» деб сўраганларида, улар: «Аллоҳни зикр қилиш учун ўтирибмиз», дейишди. Муовия розияллоҳу анҳу: «Аллоҳга қасамки, сизлар фақат шунинг учун ўтирдиларингми?» дегандилар, улар: «Ҳа, фақат шунинг учун ўтирдик», дейишди. Шунда Муовия розияллоҳу анҳу: «Мен сизларга туҳмат қилиб қасам бермадим, лекин ҳеч ким Расулуллоҳга соллоллоҳу алайҳи васаллам менчалик яқин эмас. Яқин бўлишимга қарамасдан у зотдан оз ҳадис ривоят қилганман. Бир куни саҳобалар халқа бўлиб ўтирганларида, Расулуллоҳ соллоллоҳу алайҳи васаллам уларнинг олдиларига чиқиб: «Сизларни бундай ўтиришга нима нарса ундади?» деб сўрадилар. Саҳобалар: «Аллоҳни зикр қилиш ва бизни Исломга ҳидоят қилганига ҳамд айтиш учун ўтирибмиз», дейишди. Шунда Расулуллоҳ соллоллоҳу алайҳи васаллам: «Аллоҳга қасамки, мана шунинг учун ўтирдингларми?» – дедилар. «Аллоҳга қасам шу учун ўтирдик», – дедилар. «Мен сизларга туҳмат қилиб қасам бермадим. Лекин менга Жаброил (алайҳиссалом) келиб, Аллоҳ таоло сизлар билан фаришталарига фахрланаётганининг хабарини берди», дедилар», деб айтдилар.
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी Hausa Kurdî മലയാളം Kiswahili Português සිංහල دری Svenska অসমীয়া Tiếng Việt Yorùbá Кыргызча ગુજરાતી नेपाली Română Nederlands Soomaali پښتو తెలుగు Kinyarwanda ಕನ್ನಡ Српски Moore Lietuvių ქართული Українська Čeština Magyar Македонски Azərbaycan Wolof Malagasy Oromoo ไทย Deutsch मराठी ਪੰਜਾਬੀ አማርኛالشرح
Муовия ибн Абу Суфён разияллоҳу анҳу масжиддаги ҳалқа олдига чиқдилар. Нима учун жамланганлари ҳақида сўрадилар. «Аллоҳни зикр қилаяпмиз», – деб айтишди. Фақатгина зикр учун жамланганлари ва йиғилганларига қасам ичишларини талаб қилдилар. Шунда улар ҳам қасам ичдилар. Сўнгра: «Мен сизларга туҳмат қилиб ёки ростгўй эканингизда шак-шубҳам бўлгани учун қасам ичтирмадим», дедилар ва сингиллари Умму Ҳабийба Расулуллоҳ соллаллоҳу алайҳи ва салламнинг аёллари бўлгани ҳамда ўзлари ваҳий ёзувчиларидан бўлганлари учун ҳеч ким У зотга у кишидай яқин эмаслигига қарамай кам ҳадис ривоят қилганлари ҳақида хабар бердилар Набий соллаллоҳу алайҳи ва саллам бир куни уйларидан чиққанларида уларни масжидда зикр қилган ва Аллоҳ уларни Исломга ҳидоят қилганига ҳамд айтиб ўтирган ҳолда топдилар ва Муовия разияллоҳу анҳу қилганларидай Расулуллоҳ ҳам саҳобалардан сўрадилар ва қасам ичдирдилар. Сўнгра Набий соллаллоҳу алайҳи ва саллам саволларининг ва қасам талаб қилганларининг сабаби ҳақида айтиб бердилар: Жаброил фаришта келиб Аллоҳ сизлар билан фаришталарига фахрланаётганини У Зот ҳузуридаги фазлингларни зоҳир қилаётганини, яхши амалларингларни кўрсатаётганини ҳамда сизларга сано айтаётганини хабар берди.فوائد الحديث
Муовия разияллоҳу анҳунинг илм етказишда Расулуллоҳ соллаллоҳу алайҳи ва салламна иқтидо қилишдаги ҳирслари ва у кишининг фазли.
Туҳмат қилмасдан хабарнинг аҳамиятига танбеҳ бериш учун қасам ичишни талаб қилиш жоиз.
Илм ва зикр мажлисларининг фазли ҳамда Аллоҳ зикр мажлисларини яхши кўради ва фаришталарига фахирланади.