فوائد الحديث

Yaa b sẽn bʋ nonglem tɩ b wʋsg ne Wẽnd yʋʋrã tẽegre, la b maan soagl ne-a, tɩ ad põsgã laahr raarã, ad ɑ yɩtɑ ne tũudmã waooglem, la yɩlgre la pʋ-peelem Wẽnd tũudmã pʋgẽ.

Wẽnd yʋʋrã tẽegre, yɩta ne zelem bala, mɑɑ ne sũur bala, maa ne zelemd la sũur sẽn lagem taaba, la yẽnda soabã n tʋg n zẽk n yɩɩd ne dargε.

Bee Wẽnd yʋʋrã yõkr pʋgẽ, yõkr-rãmba, sẽn yaa sãri wã yõkre, tɩ b za-b ne wakato, wala yibeoog la zaabr yõk-rãmbã, la Faril-rãmbã Pʋʋsg poorẽ yõk-rãmbã, la zẽng sẽn ka rẽnda.

Limaam Annawawiy yeelame: bãng tɩ ad dargε wã a ka bũmb sẽn kʋʋg koεεga ne Sʋbhaanallahã la Laa'ɩlaaha ɭllallaahã, la Alhamdʋ lillaahã, la Allahʋ Akbarʋ wã, la sẽn wõnd rẽ bal ye, ka woto ye, ad ned fãa sẽn tʋm Wẽnd yĩnga (A Naam zẽkame) tɩ yaa tũudum, rẽnd yẽnda yaa Wẽnd yʋʋrã tẽegda, (A Naam zẽk yã).

Wẽnd yʋʋrã tẽegr bee sabab bεd nins sẽn tablgd ned Wẽnd dĩinã zugu, Wẽnd yeelame, (A Naam yɩlgame n zẽke): {Yãmb ɑ sẽn kõ-b sɩda! Yãmb sã n sεg sʋll bɩ y tɑbend lɑ y tẽeg Wẽnd yʋʋrã wʋsg tɩ sãnd-sãnde y nɑ tɩlge} [Al-anfaal: 45].

Wõnesgã zĩigã Wẽnd yʋʋrã tẽegdb ne Gʋmdaan tãngã, ad yaa welgr la ball n bas nebã, bala Gʋmdaan tãngã a welga a yembr n tʋg n bas tãmsã, woto bal la Wẽnd yʋʋrã tẽegdba, rẽnd wεlgda: yẽnda la sẽn welg ne a sũurã la a zelemdã ne a Soabã yʋʋr tẽegre, baa t'a sã n be nebã sʋka, la a paamd nen-yubsgu a lɑkrã wɑkɑ-rãmbẽ lɑ nen-soabgɑ t'a sã n wa gẽdg nebã wʋsgo, la wõnesgã nengã tõeeme, tɩ yɑɑ tɩ: Wẽnd yʋʋrã tẽegr yaa sabab n tabend ned dĩinã zugu wala tãmsã me sẽn yaa sabab tɩ tẽngã tabẽ wã, maa yaa põs ne tʋʋm sõmsã dũni la laahrã, bala kẽn-kẽnd sã n yi Madiin n rabd Makã, a sã n wa ta Gʋmdaan tãnga, yaa tagmas n wilgd t'a taa Maka, ned ning sẽn ta be, a yaa põsda, woto bala, ned ning sẽn tẽegda ne Wẽnd yʋʋrã, (A Naam zẽk yã) yẽ me põsda a to, ne yẽ sẽn tẽegd Wẽnd yʋʋrã wʋsgã, la Wẽnd n yɩɩd minim.