فوائد الحديث

အလ္လာဟ်အရှင်မြတ်သည် စိတ်နှလုံးထဲ ပေါ်ပေါက်လာသော မကောင်းသည့်အတွေးအမြင်များကို ခွင့်လွှတ်ထားတော်မူသည်။ ဆိုလိုသည်မှာ လူသားသည် စိတ်ထဲတွင် ထိုအကြောင်းများကို တွေးတောပြီး သူ၏ စိတ်ထဲတွင် ထိုအတွေးများ ဖြတ်သန်းသွားခြင်းဖြစ်သည်။

လူတစ်ဦးသည် သွလားက်ကွာရှင်းခြင်းအကြောင်း စဉ်းစားမိပြီး ထိုအတွေးသည် ၎င်း၏စိတ်ထဲဝယ်‌ ပေါ်ပေါက်ခဲ့သော်လည်း ထိုအကြောင်းကို နှုတ်ဖြင့်မပြောဆို၊ စာဖြင့်မရေးသားသရွေ့ သွလားက်ကွာရှင်းခြင်းဟု မမှတ်ယူပါ။

စိတ်နှလုံးထဲ ပေါ်ပေါက်လာသော မကောင်းသောအတွေးများသည် မည်မျှပင် ကြီးမားစေကာမူ၊ စိတ်ထဲတွင် အခြေမတကျဖြစ်မနေသရွေ့၊ လူသားက ယင်းအတွေးများကို လက်တွေ့မကျင့်ကြံသေးသရွေ့၊ သို့မဟုတ် နှုတ်ဖြင့် မပြောသေးသရွေ့၊ အပြစ်ပေးခြင်းခံရမည် မဟုတ်ပါ။

တမန်တော်မုဟမ္မဒ်(ဆွလ္လလာဟုအလိုင်ဟိဝစလ္လမ်)၏ အွမ္မသ်သားများရဲ့ ထူးခြားချက်တစ်ခုမှာ ၎င်းတို့၏ စိတ်နှလုံးသားထဲ ပေါ်ပေါက်လာသော မကောင်းသည့်အတွေးများအတွက် အရေးယူအပြစ်ပေးခြင်း မခံရခြင်းပင်ဖြစ်သည်။ သို့ရာတွင်ကျွန်ုပ်တို့နှင့်ဆန့်ကျင်ဘက် ရှေးယခင်အွမ္မသ်သားများမှာမူ ယင်းအတွက် အရေးယူအပြစ်ပေးခြင်းကို ခံကြရမည်ဖြစ်သည်။