الشرح

အနတ်စ်ဗင်န်မာလိက်(ရဿွိယလ္လာဟုအန်ဟု)က ဆင့်ပြန်ခဲ့သည်။ တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)သည် ဖရ်ဿွ်ဆွလာသ်ငါးကြိမ်လုံးအတွက် (ဝုဿွူရှိနေလျက်နှင့်) ဝုဿွူ(ထပ်မံ)ပြုလုပ်တော်မူ၏။ ဤသည်ပို၍ပြည့်စုံရန်အတွက် တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)က အများအားဖြင့်ကျင့်သုံးလေ့ရှိသော လုပ်ရပ်မျိုးဖြစ်သည်။ ဤသို့ပြုခြင်းသည် မွတ်စ်သဟဗ်သာဖြစ်သည်။ အဘယ်ကြောင့်ဆိုသော် ကိုယ်တော်မြတ်(ဆွလ္လလ္လာဟုအလိုင်းဟိဝစလ္လမ်)သည် ဝုဿွူမပျက်သ၍ ဝုဿွူတစ်ကြိမ်တည်းဖြင့် လုံလောက်ကြောင်းကို ရှင်းပြရန်အတွက် ဝုဿွူတစ်ကြိမ်တည်းဖြင့် ဆွလာသ်အားလုံးကို ဝတ်ပြုခဲ့ခြင်းလည်း ရှိသည်။ မွတ်စ်လင်မ်ကျမ်း ဟဒီးဆ်အမှတ်(၂၇၇)၌ ဆင့်ပြန်ထားသည်မှာ အမ္မရ်ဗင်န်အာမိရ်က အနတ်စ်(ရဿွိယလ္လာဟုအန်ဟု)အား အသင်တို့ ဝုဿွူနှင့်စပ်လျဥ်း၍ မည်သို့ဆောက်ရွက်ကြသနည်းဟု မေးမြန်းခဲ့ရာ အနတ်စ်(ရဿွိယလ္လာဟုအန်ဟု)ကပြောသည်မှာ ကျွန်ုပ်တို့အနက် တစ်ဦးယောက်သည် ဝုဿွူမပျက်မချင်း ထိုဝုဿွူတစ်ခုဖြင့်သာ လုံလောက်သည်။ ထို့ကြောင့် ဆွလာသ်နှစ်ကြိမ်၊ သုံးကြိမ်အတွက် ဝုဿွူတစ်ကြိမ်သည် လုံလောက်သွား၏။