فوائد الحديث

नववी भन्छन्: यो हदीसले जिहादको समयमा उपवासको महत्व प्रमाणित गर्दछ। यद्यपि, यो सद्गुण त्यस व्यक्तिको लागि हो जो व्रतको कारण कमजोर हुँदैन, युद्ध वा कसैको अधिकार वा आफूलाई तोकिएको कुनै पनि युद्धको काममा कुनै बाधाको सामना गर्नु न परोस्।

यसमा नफल व्रत राख्न प्रेरणा छ।

उपवासको एक मात्र उद्देश्य निष्ठा र अल्लाहलाई खुसी पार्नु हो, देखावटी गर्नु, प्रतिष्ठा वा अन्य उद्देश्यका लागि उपवास बस्नु होइन।

सिन्धी भन्छन्: "फी सबिलील्लाह" (अल्लाहको बाटोमा)को अर्थ आफ्नो मनसाय शुद्ध गर्ने एउटा तरिका हुन सक्छ, जबकि अर्को अर्थ युद्धको समयमा उपवास राखिनुको हुन सक्छ। र दोस्रो अर्थ नै अझ स्पष्ट छ।

इब्न-ए-हजर भन्छन्: जहाँसम्म हदीसमा "सब-इन खरिफन"(सत्तरी शरद ऋतु) को भनिएको छ, तसर्थ "खरिफ" वर्षको एक विशेष मौसम हो, तर यहाँ वर्षका अन्य ऋतुहरू जस्तै गर्मी, जाडो र वसन्त आदिलाई छोडेर खरिफ(शरद) ऋतुको विशेष रूपमा उल्लेख गरिएको छ, किनभने यो सबैभन्दा राम्रो मौसम हो र यसै खरिफमा फलफूल काट्ने गरिन्छ ।