الشرح

नबी (सल्लल्लाहु अलैहि वसल्लम) मानिसहरूमध्ये सर्वाधिक उदार र दानशील हुनुहुन्थ्यो। उहाँको यो उदारता रमजान महिनामा अझ बढी हुन्थ्यो, जहाँ उहाँले प्रत्येक योग्य व्यक्तिलाई उचित कुरा प्रदान गर्नुहुन्थ्यो। उहाँको उदारतामा वृद्धि हुनुका दुई प्रमुख कारणहरू थिएः पहिलो कारणः जिब्रिल (अलैहिस्सलाम) सँग भेट्नु । दोस्रो कारणः कुरआनको 'मुदारसा', अर्थात् कण्ठस्थ रूपमा पढ्ने कार्य। जिब्रील (अलैहिस्सलाम) ले उहाँसँग त्यस समयसम्म अवतरित कुरआनको 'मुदारसा' ( पाठन) गर्नुहुन्थ्यो। यस क्रममा अल्लाहका रसूल (सल्लल्लाहु अलैहि वसल्लम) उदारता, दान र परोपकारका कार्यहरूमा अझ बढी तत्पर रहनुहुन्थ्यो। उहाँको उदारता, सबैको हितका लागि वर्षा र कृपा बोकेर बहने तीव्र बतासभन्दा पनि अधिक वेगवान् र लाभदायी थियो।