الشرح

இந்நபிமொழியின் விளக்கம் : தமது எதிரிகளை விட்டும் காக்கும் ஒரு தலைவருக்குக் கீழ் கட்டுக்கோப்பான ஒழுங்கில், ஒற்றுமையாக, ஏகோபித்து வாழும் ஒரு முஸ்லிம் கூட்டமைப்பிலிருந்து ஒருவன் விலகி, அதன் ஆட்சித் தலைவருக்கு எதிராகப் புரட்சி செய்து, அதே நிலையில் மரணித்தால் தலைமைத்துவமில்லாத அராஜகத்தில் வாழ்ந்ததால் அறியாமைக்கால மரணமாகவே அவன் மரணிக்கின்றான். இன வாதம், குல வாதம் போன்ற இலக்குத் தெளிவில்லாத மௌட்டீகத்தின் கீழ் போராடி, இன, குல வாதத்திற்காகக் கோபப்பட்டு, அதன் பக்கம் அழைத்து, அதற்காக உதவி செய்பவனின் நிலையும் இதுதான். அவன் தனது மனோஇச்சைக்காகவும், குலபேதத்திற்காகவும் போராடுகின்றான் என்பதே இதன் அர்த்தமாகும். முஸ்லிம் சமூகத்திற்கு எதிராகப் புரட்சி செய்து, நல்லவர்கள், தீயவர்கள், விசுவாசி, முஸ்லிம் பிரதேசங்களில் ஒப்பந்த அடிப்படையில் வாழும் மாற்று மதத்தவர், வரிப்பணம் செலுத்தி வாழும் மாற்று மதத்தவர்கள் என்று பாராமல் அனைவரையும் தாக்குவதுடன், தான் செய்யும் காரியத்தைப் பொருட்படுத்தாமலும், அதன் பின்விளைவுகளை அஞ்சாமலும் இருப்பவனை விட்டும் நபியவர்கள் விலகியுள்ளார்கள்.